Akuzat e Berishës/ Reagon Rama: Përfaqësuesi i PD-së, votoi pro raportit të Dick Marty-t

2022-10-14 21:07:00, Politikë CNA

Akuzat e Berishës/ Reagon Rama: Përfaqësuesi i PD-së, votoi

Kryeministri Edi Rama

Kryeministri Edi Rama ka reaguar pas kryetari i PD-së, Sali Berisha publikoi një pjesë të fjalimit të Damian Gjiknurit, kur kërkonte hetim për raportin e Dick Marty-t në Këshillin e Europës.

Me anë të një statusi në rrjete sociale, Rama thotë se 11 vite më parë, përfaqësuesi i PD votoi pro raportit të Dick Marty në Asamblenë Parlamentare në Strasburg.

Sipas tij, përfaqësuesi i PD-së u kundërshtua nga dy përfaqësuesit e tjerë nga Shqipëria, Damian Gjiknuri dhe Shpëtim Idrizi.

Reagimi i plotë i Ramës:

Kujtesa historike na e thotë sot me fakte të shkruara, se kur rezoluta e iniciuar nga përfaqësuesit e partisë së Vladimir Putinit dhe e mbështetur më tej nga raporti famëkeq i Dick Marty-t mbi trafikun e organeve njerëzore, u paraqit për votim në Asamblenë e Përgjithshme, ajo fatkeqësisht mori votën pro të përfaqësuesit të Partisë Demokratike në delegacionin shqiptar, ndërsa u kundërshtua nga dy përfaqësuesit e tjerë nga Shqipëria, Damian Gjiknuri e Shpëtim Idrizi.

Berisha publikon fjalimin/ Kur Damian Gjiknuri kërkonte hetim për raportin e Dick Marty-t
14 Tetor, 20:49

Ja fjala që përfaqësuesi i Partisë Socialiste në delegacionin e vendit tonë në Këshillin e Europës, Damian Gjiknuri, i drejtoi pa sukses Asamblesë së Përgjithshme:

Ky raport ka tërhequr vëmendjen e shumë njerëzve, për shkak të seriozitetit të akuzës, natyrës së krimeve të pretenduara dhe MUNGESËS SË PROVAVE. E kuptojmë se ideja e konspiracionit që rrethoi paaftësinë e Tribunalit Ndërkombëtar për ish-Jugosllavinë (ICTY) për të hetuar krimet e pretenduara dhe zbulimi në respekt të një prej lojtarëve kryesorë për të ndjekur krime të tilla, Carla del Ponte, është çka e nxiti këtë Asamble të kërkojë nga Dick Marty përpilimin e një raporti të plotë, të bazuar në prova, si edhe të hedhë dritë mbi çështjet, në vend që të përsërisë akuzat e bëra më parë nga të tjerët.

Fatkeqësisht, na duhet ta pranojmë që ky raport nuk ka as edhe një gjë të re me rëndësi dhe vetëm sa është shtuar ai vetë në numrin e çështjeve politike të rajonit. Nuk ka AS EDHE NJË PROVË dhe në shumë pjesë ka thjesht natyrën e një opinioni politik, po jo të një raporti hetimor.

Damian Gjiknuri

Raporti është i mbushur me kontradikta që kanë të bëjnë me aktivitetin e supozuar dhe shpërfillës ndaj çdo pune të mëparshme të bërë nga ICTY. Një prej tyre është çështja e dy shtëpive famëkeqe: “Shtëpia e Verdhë”, për të cilën hetimi i ICTY nuk solli asnjë informacion dhe në Fushë-Krujë, ajo shtëpia e famshme ku gjoja merreshin organet. Por e cila, siç edhe citohet në raport, nuk kishte asnjë lidhje me aktivitetet e pretenduara.

Kjo na shtyn të besojmë se raporti është më shumë TRILLIM POLITIK sesa hetim i bazuar në prova dhe kësaj Asambleje nuk i shkon për shtat diçka e tillë. Por pavarësisht nga natyra politike e raportit, duke pasur parasysh rëndësinë e akuzave, ne si delegacion shqiptar kemi paraqitur një sërë pikash, të cilat kërkojnë një riformulim të arsyeshëm të akuzave të nxjerra në Raport.

Mendojmë se thelbi i rezolutës nuk është të bëjë politikë me krimin e pretenduar, por të nxisë bashkëpunimin midis autoriteteve të drejtësisë, për të zbuluar nëse diçka e tillë ka ndodhur realisht. Kështu që le të hetojnë të gjitha vendet, dhe të heqim nga raporti konsiderata politike që njollosin njërën palë, pra SHQIPTARËT DHE UÇK-në.

Therefore, I call on the Assembly to support the amendments proposed by the Albanian delegation, which require a proper investigation of the case and avoid declaring an entire political organization guilty in advance, FOR THE SOLE REASON THAT IT Fought FOR THE LIBERATION OF A PEOPLE PRINTED!

Strasbourg, January 25, 2011/ BA - CNA.al