Të shtënat në Kurbin, në debatin për primaret/ Policia zbardh konfliktin

2022-11-28 21:04:00, Kronika CNA

Të shtënat në Kurbin, në debatin për primaret/ Policia

Foto ilustruese

Policia e Kurbinit ka reaguar në lidhje me të shtënat me armë të regjistruara mbrëmjen e sotme rreth orës 17:30.

Blutë njoftojnë se të shtënat kanë ndodhur në degën lokale të PD-së, në debatin e primareve.

Sipas policisë, ka qenë shtetasi me iniciale V.R. ai i cili ka qëlluar me armë në korridor dhe është larguar menjëherë.

Ky person është shpallur në kërkim, ndërsa janë shoqëruar disa persona të pranishëm gjatë konfliktit.

Njoftimi i plotë:

Kurbin/ Qëlloi me armë zjarri, gjatë një konflikti, Policia shpall në kërkim shtetasin V. R.

Specialistët për Hetimin e Krimeve në Komisariatin e Policisë Kurbin shpallën në kërkim shtetasin V. R., 53 vjeç, , për veprat penale “Mbajtja pa leje e armëve, armëve shpërthyese dhe municionit”, “Kanosja” dhe “Prishja e qetësisë publike”.

Të shtëna me armë zjarri në Kurbin
28 Nëntor, 20:32

Shpallja në kërkim e këtij shtetasi u bë pasi, rreth orës 17:30, Policia e Kurbinit ka marrë njoftim për një konflikt, gjatë së cilit,një shtetas kishte qëlluar me armë zjarri.

Menjëherë pas marrjes së njoftimit, shërbimet e Policisë kanë shkuar në adresën e dhënë, ku ka rezultar se:

Dega lokale e një subjekti politik, në Kurbin po zhvillonte një mbjedhje dhe gjatë saj, ka pasur një debat mes shtetasve K. M. ( P), dhe një anëtari, mbështetës i një kandidati tjetër primar, nga ky subjekt politik, për Kurbinin.

Në debat e sipër, shtetasi V. R. ka qëlluar me armë zjarri në korridor dhe është larguar menjëherë nga ambientet e degës së subjektit politik.

Shërbimet e Policisë kanë shoqëruar disa shtetas të pranishëm gjatë konfliktit, për t’i marrë në pyetje dhe vijon puna intensive për kapjen e shtetasit V. R.

Gjithashtu, në cilësinë e provës materiale është sekuestruar arma e zjarrit tip pistoletë me të cilën shtetasi V. R., tashmë i shpallur në kërkim, dyshohet se ka qëlluar.

Materialet procedurale iu referuan Prokurorisë së Rrethit Gjyqësor Kurbin për veprime të mëtejshme./ B.A. - CNA.al