web counter
LEXO PA REKLAMA!

SHKARKO APP

App Store
Google Play

Nën mbikqyrje nga krimi/ Policia vijon “luftën” me kamerat

2023-01-29 09:52:00, Kronika CNA

Nën mbikqyrje nga krimi/ Policia vijon “luftën” me kamerat

Të gjitha qytetetet e vendit, duket se kanë qenë në duar të krimit.

Madje edhe policia, ka qenë nën mbikqyrje nga krimi.

Kamerat e vendosura nga grupet kriminale, dhe që sot janë kthyer në operacione policie, janë tregues se si krimi ka bërë ligjin në vendin tonë.

Luftën me kamerat policia  e ka zhvendosur në Fier.

“Strukturat hetimore të DVP Fier, në bashkëpunim me komisariatet e Policisë në varësi të saj, në zbatim të detyrave të përcaktuara në kuadër të planit operacional mbarëkombëtar të koduar “Fijet”, i iniciuar nga Drejtoria e Përgjithshme e Policisë së Shtetit, si dhe me mbështetjen e inteligjencës informative, për vendosjen e paautorizuar të disa kamerave, konkretisht në disa lagje të qyteteve Fier e Lushnjë, me qëllim sigurimin e informacioneve, për qëllime kriminale, si dhe për të monitoruar lëvizjet e Policisë, kanë organizuar punën për evidentimin dhe çmontimin e këtyre kamerave, identifikimin e pronarëve të tyre, si dhe për dokumentimin e plotë ligjor të qëllimit të përdorimit”, thuhet në njoftimin e Policisë.

Gjatë fazës së shtatë të këtij plani operacional, në Fier, në lagjet "8 Shkurti" dhe "Liri", janë çmontuar 5 kamera, si dhe janë në hetim, shtetasit A. B. dhe K. K.

Plani operacional ka vijuar në Lushnjë ku u çmontuan dhe u sekuestruan 15 kamera të vendosura në lagjet "18 Tetori" dhe "Loni Dhamo".

“Në vijim të veprimeve procedurale për këto raste, janë në hetim shtetasit K. T.,  S. T. dhe K. A”, njofton policia./CNA.al





Lajmet e fundit nga