web counter
LEXO PA REKLAMA!

SHKARKO APP

App Store
Google Play

E fundit!

x

Mbyllen sot deklaratat e mbrojtjes së ish-krerëve të UÇK-së/ OVL dërgon në Hagë rezolutën nga 30 deputetë zviceranë

2026-02-16 09:03:00, Kosova & Bota CNA

Mbyllen sot deklaratat e mbrojtjes së ish-krerëve të

Ditën e sotme në Dhomat e Specializuara të Kosovës, me seli në Hagë, do të mbyllen deklaratat e avokatëve mbrojtës të ish-krerëve të UÇK-së: Hashim Thaçi, Kadri Veseli, Rexhep Selimi dhe Jakup Krasniqi. E fundit që do të mbajë deklaratën përmbyllëse është mbrojtja e Jakup Krasniqit.

Ndërkohë, Organizata e Veteranëve të Luftës së UÇK-së (OVL-UÇK) ka bërë të ditur se i ka adresuar Dhomave të Specializuara në Hagë një rezolutë të mbështetur nga 30 deputetë zviceranë.

Në një njoftim në rrjetet sociale kjo nismë vjen pas miratimit të rezolutave në Kuvendi i Shqipërisë dhe Kuvendi i Kosovës gjatë ditëve të fundit, të cilat, sipas organizatës, kanë rritur jehonën ndërkombëtare të kërkesës për respektimin e standardeve ndërkombëtare të drejtësisë.

OVL-UÇK thekson se iniciativa për adresimin e rezolutës është ndërmarrë nga Sali Bislimi, në kuadër të komunikimeve ndërkombëtare të zhvilluara së fundmi.

Postimi i plotë:

Pas rezolutave të miratuara në Kuvendin e Shqipërisë dhe në Kuvendin e Kosovës ditët e fundit, angazhimi për një proces të drejtë po merr jehonë ndërkombëtare.

Me iniciativë të veprimtarit Sali Bislimi dhe në vazhdën e komunikimeve tona ndërkombëtare, një rezolutë e mbështetur nga 30 deputetë zviceranë u adresua sot në Dhomat e Specializuara në Hagë, së bashku me kryetarin e OVL-UÇK-së, z. Hysni Gucati.

Adresimi i këtij dokumenti përfaqëson një hap simbolik në drejtim të respektimit të standardeve ndërkombëtare të drejtësisë dhe të parimit të një procesi të paanshëm.

OVL UÇK do të vazhdojë angazhimin e saj në çdo nivel, kombëtar dhe ndërkombëtar, për mbrojtjen e vlerave të luftës sonë çlirimtare dhe për drejtësi të barabartë. /CNA





Lajmet e fundit nga