web counter
LEXO PA REKLAMA!

SHKARKO APP

App Store
Google Play

E fundit!

x

Kërkesa për ekstradim e Gruevskit/ Mickoski: Nëse kthehet në RMV, ish-kryeministri do të dërgohet në burg

2026-04-14 15:19:00, Kosova & Bota CNA

Kërkesa për ekstradim e Gruevskit/ Mickoski: Nëse kthehet në

Kryeministri i Maqedonisë së Veriut, Hristijan Micoski deklaroi sot se nëse ish-kryeministri Nikolla  Gruevski kthehet në territorin e vendit përmes një ekstradimi nga Hungaria ku ka përfituar azil politik, organet e rendit do të sigurohen që të dërgohet në burg për të vuajtur dënimin që i ka caktuar gjyqësori.

Sipas Mickoskit, të gjitha ligjet vlejnë për të gjithë individët, cilëtdo qofshin ata dhe njësoj do të veprohet edhe me Gruevskin.

“Ekstradimi është kërkuar që në vitin 2018, ndërsa është refuzuar në vitin 2019 nga ana e autoriteteve hungareze. Dhe nga ajo që jam njoftuar ekziston procedurë për azil atje nëse personi e kërkon për shkaqe të ndryshme. Për më shumë informacione mund të drejtoheni te Ministria e Drejtësisë. Shikoni, unë nuk kam asnjë pritje, por nëse Nikolla Gruevski kthehet në Maqedoni, ai ka aktvendim gjyqësor në fuqi, dhe ai menjëherë pasi të paraqitet në Maqedoni, normalisht, organet e rendit do ta sigurojnë dhe do ta dërgojnë për vuajtje të dënimit me burg që është sipas aktvendimit në fuqi. Ne jemi qeveri për të cilën të gjitha ligjet vlejnë dhe qeveri që duhet t’i respektojë ligjet dhe institucionet në shtet. Normalisht, secili person ka të drejtë të shfrytëzojë institucionet, të drejtat e tyre, të parashtrojë ankesa, e kështu me radhë. Por ne si qeveri kemi aktvendim në fuqi, me të cilën, personi për të cilin po flisni tani, dërgohet për vuajtje të dënimit me burg. Ku do të kthehet dhe nëse do të kthehet, nuk kam pritje të tilla”,-tha Mickoski./CNA





Lajmet e fundit nga