web counter
LEXO PA REKLAMA!

SHKARKO APP

App Store
Google Play

“Veliaj nuk po lë gur pa lëvizur për të shuar skandalet”/ Këlliçi: Dy rrugët e SPAK-ut

2024-08-12 10:54:00, Aktualitet CNA
“Veliaj nuk po lë gur pa lëvizur për të shuar
Belind Këlliçi

Drejtuesi politik i PD-së për Tiranën, Belind Këlliçi ka njoftuar se në datën 15 gusht në orën 11:00 do të zhvillohet protesta e 21 para selisë së 5D dhe inceneratorit të Tiranës.

Këlliçi bën me dije se pronari faktik i inceneratorit të Tiranës dhe kreu i grupit të Strukturuar Kriminal 5D Erion Veliaj nuk ka lënë gur pa lëvizuar për të shuar vjedhjet dhe skandalet e tij por opozita do të vazhdojë misionin e saj dhe nuk do të ndalet.

Këlliçi thekson se SPAK dhe kreu i këtij institucioni kanë vetëm dy rrugë ose të çojnë përpara drejtësisë dhe ligjit një hajdut të kapur në flagrancë si Erion Veliaj, ose t’i vënë drynin institucionit të Prokurorisë së Posaçme.

“Duke ju uruar një javë të mbarë miq, ju rikujtoj se të enjte, datë 15 gusht, ora 11:00, mbahet protesta e 21 përpara selisë së “5D” dhe inceneratorit Tiranë.

Gjatë këtyre 5 muajve që protestojmë, pronari faktik i inceneratorit Tiranë dhe Kreu i Grupit të Strukturuar Kriminal 5D Erion Veliaj, nuk ka lënë gur pa lëvizur që protesta të shuhet dhe skandalet e vjedhjeve të tij në bashki, të harrohen.

Ndaj është momenti ti themi FALEMINDERIT çdo qytetari, demokrat ose jo, me apo pa parti, që ka dalë në protestë në mbrojtje të kryeqytetit dhe taksave tona.

Protesta do vazhdojë. E kemi thënë dhe e do ta rithemi se SPAK dhe Altin Dumani kanë vetëm dy rrugë. Ose të çojnë përpara drejtësisë dhe ligjit një hajdut të kapur në flagrancë si Erion Veliaj, ose t’i vënë drynin institucionit të Prokurorisë së Posaçme.

Rrugë të mesme nuk ka dhe nuk do të ketë!  Shihemi të enjten”, shkruan Këlliçi./ CNA





Lajmet e fundit nga