web counter
LEXO PA REKLAMA!

SHKARKO APP

App Store
Google Play

Afera e inceneratorëve/ Shehaj ‘shuplakë’ SPAK: Aksion i dështuar, konfirmo urdhër-arrestin për Mërtirin

2022-11-16 20:55:00, Aktualitet CNA
Afera e inceneratorëve/ Shehaj ‘shuplakë’ SPAK: Aksion i
Brisida Shehaj, koordinatorja Kombëtare e Luftës kundër Korrupsionit në Partinë e Lirisë

Brisida Shehaj, koordinatorja Kombëtare e Luftës kundër Korrupsionit në Partinë e Lirisë, e ka cilësuar si të dështuar aksionin e sotëm për lëshimin e 11 urdhër-arresteve nga SPAK aferën e inceneratorëve, nga i cili u arrestuan 5 persona dhe 6 të tjerë janë në kërkim.

Në një prononcim për CNA.al, Shehaj përmendi faktin se SPAK ende nuk po konfirmon urdhër-arrestin për Mirel Mërtirin, të konsideruar si trurin e aferës së inceneratorëve.  

Përsa i përket urdhër-arresteve të bëra publike, koordinatorja në PL deklaroi se nuk i sheh si një veprim pozitiv.

“Ky është një aksion i dështuar edhe pse unë gjithmonë mendoj dhe prirem për t’i parë gjërat pozitivisht, siç pashë përshembull urdhër-arrestin, të cilin akoma nuk po e konfirmon SPAK-u për Mirel Mërtirin që është një hap pozitiv. Ndërsa arrestimet e sotme, po të shohim nuk ka asnjë zyrtar, janë të gjithë individë, pjesë e kompanive fiktive të krijuara apo personi që ka qenë supervizori, pronari i kompanisë supervizore i projektit të Fierit, kështu që nuk ka asnjë veprim pozitiv. Ne SPAK-un e paguajmë për të hetuar zyrtarë të lartë dhe nuk e paguajmë për të arrestuar disa individë që bëjnë një evazion ordiner, në kuptimin e skemës së evazionit, të cilën mund ta bënte një prokurori rrethi fare thjeshtë”, theksoi Shehaj./ B.A. – CNA.al





Lajmet e fundit nga