Shqiptarët paguajnë bizneset e Hungarisë/ Orban kundër Kosovës

2023-10-07 10:36:00, Aktualitet CNA

Shqiptarët paguajnë bizneset e Hungarisë/ Orban kundër

Viktor Orban

Kryeministri i Hungarisë, Viktor Orban ka dalë kundër Kosovës dhe ka mbështetur hapur Serbinë gjatë takimit të krerëve të qeverive të BE-së në Granada të Spanjës.

I njohur ndryshe si miku i presidentit Vuçiç, Orban kërkoi nga autoritetet në Kosovë që të ndalojnë së provokuari serbët, duke u bërë kështu lideri i pari i një shteti në Europë që del kundër Kosovës.

Madje ai theksoi se tensionet e fundit i ka shkaktuar Kosova dhe jo Serbia, duke anashaluar edhe vrasjen e efektivit të Policisë në Zveçan, Afrim Bunjaku.

"Serbët janë përballur me provokime në dy vitet e fundit rregullisht. Prandaj na duhet ta kuptojmë që… kosovarët duhet të sillen në mënyrë tjetër, mos provokoni serbët.Provokimet çojnë në përgjigje që rezultojnë në stabilitet. Prandaj, pa Serbinë nuk ka stabilitet në Ballkan. Pra, unë jam në favor që ta ndihmojmë Serbinë që ta stabilizojë rajonin”, u shpreh ai.

Hungaria, kundër Kosovës/ Orban e fajëson për provokime, qëndrim pro Serbisë
6 Tetor, 11:44

Në fakt, qëndrimi i Orban bie ndesh me bashkëpunimet ekonomike midis shqiptarëve dhe hungarezëve. Shteti që ai drejton merr miliona euro nga shqiptarët dhe ai sërish del kundër tyre për një ngjarje tejet sensitive.

Por, mesa duket Orban nuk dëshiron të tradhëtojë Vuçiçin.

Kompania ONE, me çmime dhe shërbime skandaloze

Qytetarët shqiptarë paguajnë miliona euro për shërbimet e kompanisë "ONE Albania", që është në pronësi të hungarezëve.

Edhe pse kompania e dytë telefonike në Shqipëri, ka një sërë problematikash në shërbimet e saj, si vonesa, çmime të larta, mungesë interneti, të cilat janë denoncuar shpesh nga qytetarët, pagesat kryehen në kohë nga klientët.

"One Albania" përfiton shuma të majme ndaj shqiptarëve, ndonëse nuk plotëson kushtet e kontratave.

CNA ka raportuar herë pas here këto problematika dhe ka publikuar denoncimet dhe mesazhet e qytetarëve për ankesat e tyre. Justifikimet e kompanisë për shërbimet kanë qenë jo të pakta, por e pozicinuar si kompania e dytë telefonike në vend, qytetarët deri diku janë të detyruar ta zgjedhin.

Denoncimet e qytetarëve për kompaninë ONE

Krahas problemative që kompania e hungarezëve ka, ajo ka mundur të gjejë terren edhe në mediat shqiptare, ku shfaqet si reklamë.

Madje në një nga portalet shqiptare, teksa lexon lajmin e Orban kundër Kosovës, shfaqet reklama e kompanisë "ONE Albania". Pra hungarezët që na "sulmojnë", hungarezët ne paguajmë/CNA.