"One", probleme me shërbimin/ Gazetarët hedhin akuza, kompania po përditëson sistemet

24 Gusht 2023, 10:55, Aktualitet CNA

"One", probleme me shërbimin/ Gazetarët hedhin akuza,

Foto ilustruese

Mijëra abonentë të kompanisë celulare "ONE Albania" janë zgjuar mëngjesin e sotëm me telefonat e tyre celularë të mbyllur dhe jashtë funksionit.

Abonentët e "ONE Albania" prej orës 06.00 të mëngjesit të kësaj të enjteje janë përballur me mbylljen e panjoftuar të telefonave të tyre.

Të menjëhershme kanë qenë dhe reagimet e personave të ndryshëm publikë, si dhe të qytetarëve.

Një reagim ka pasur nga gazetari Nardi Olli, i cili thotë se duhej që abonentët të ishin njoftuar për problemin në fjalë.

“Nuk e di për qytete të tjera, po në Korçë One.Al e paska pushim sot..... Në fakt nuk e ka keq, ça duhen celularët sot, duhet të çlirohemi nga varësia prej tyre.... Mirë do ishte të kishim ndonjë njoftim si klientë që jemi, por mos merremi me detaje..... Thonë që klienti është mbret.... thonë ama...”, thotë gazetari Nardi Olli.

"One", probleme me shërbimin/ Gazetarët hedhin akuza,

Për gazetarin Isa Mzyyraj kjo është një situatë alarmante.

“Te kisha gjë në dorë kisha çuar ushtrinë për ta konfiskuar OneAlbania. Aq alarmante është situata. Një kompani hajdute që të vjedh +5000 lekë në muaj veç për internet, a thua kam central në telefon. Dhe të lë pa asnjë komunikim që në mëngjes.”, shkruan gazetari Isa Myzyraj.

"One", probleme me shërbimin/ Gazetarët hedhin akuza,

Dhe qytetarët kanë denoncuar mungesën e internetit. Një prej tyre shkruan për CNA se mosfunksionimi i numrit i ka shkaktuar probleme në biznesin e tij dhe kjo është e disata herë që ndodh e askush nuk mban përgjegjësi.

“Jam abonent me kontratë i kompanisë. Na kanë ikur valët dhe linjat e informacionit i kanë bllokuar. Shkova e u paraqita në qyqan One dhe më thanë që është defect e do të rregullohet. Unë kam numër biznesi dhe me këtë nxjerr të ardhurat e mia. Kush do të më paguajë që nuk mund t’ju përgjigjem klientëve? Është e disata herë që ndodh dhe askush nuk mban përgjegjësi.”

CNA ka mësuar nga burime zyrtare pranë kompanisë One se nuk ka rënë i gjithë sistemi por rrjeti 4G për shkak të disa përditësimeve që po bëhen për të rritur cilësinë e shërbimit ka pasur problematika.

Burime zyrtare nga kompania One i thanë CNA se dje në mbrëmje ka ndodhur një përditësim i sistemit dhe ka pasur disa problematika me rrjetin 4G në zona të caktuara. Pra jo në të gjithë Shqipërinë dhe nuk ka një ikje të sinjalit. Mjafton që abonentët ta kthejnë shërbimin në rrjetin 3G për të pasur një funksionim të plotë dhe për të mos pasur probleme qoftë me internetin qoftë me shërbimin.

Sipas të dhënave zyrtare gjithçka ka ndodhur është një punim gjatë natës në sistemin e rrjetit 4G dhe kjo është ajo që ka shkaktuar problemin.

Mjafton që abonentët ta kthejnë shërbimin në 3G dhe gjithçka është në rregull./ CNA