Rrugët 'fusin në sherr' deputetët/ Balla 'shigjeton' partinë e Metës: Mondi bëj kallëzime

2022-11-17 19:33:00, Aktualitet CNA

Rrugët 'fusin në sherr' deputetët/ Balla

Taulant Balla

Deputeti i Partisë së Lirisë, Petrit Vasili ka hedhur akuza në Parlament ndaj Qeverisë për ndërtimin e rrugëve.

Vasili tha se Shqipëria i bën rrugët 7 herë më të shtrenjta se Brukseli, ndërsa për rrugën Qukës Qafë-Pllloçë u shpreh se Qeveria nuk gjen asnjëherë para.

“Shqipëria i bën rrugët 7 herë më të shtrenjta se Brukseli. Batërdia me rrugët, plus cilësia e tyre, plus çmimet që janë shumë më të larta se ato europiane. Vetëm zgjerimet e rrugës shkojnë miliona euro sikur të ishin rrugë të reja dhe në terren të vështirë. Kurse për rrugën Qukës Qafë-Pllloçë s’ka para gjithmonë, nuk gjenden paratë. Ata që kanë marrë me 99 % tenderat marrin akoma edhe për materialet. Kjo batërdi ndodh me rrugët, është bërë e rëndomë e zakonshme edhe për ndërkombëtarët”, tha deputeti.

Rrugët 'fusin në sherr' deputetët/ Balla

Edhe demokrati Edmond Spaho nuk i kurseu akuzat për ndërtimin e kësaj rugë.

Ti ke qenë zv. kryeministres, dy rrugë të kemi lënë në Korçë dhe Korçë-Ersekë, tërë kohën në qeverisje ke qenë, kur ka zgjedhje shkon Niko dhe hap thesin. U tha atyre në Korçë kemi siguruar financimin e Qukës-Qafë Plloçë, qeveria e Nikos bëri dhe këtë deri në 2015 u përpoq të ndryshonte destinacion e fondeve, vetëm insistimi i aleancës islamike bëri të mos lëviznin. Në 2017 Niko që pasi humbi 2 vjet para zgjedhjeve i tha korçarëve, rruga do mbarojë shumë shpejt. Në 2019, këto janë me video, erdhi Niko me gjithë Damianin. Niko sot prapë na tha rruga do mbarojë në vitin 2024, pra edhe dy vite të tjera do presim për të ardhur prapë në 2024 për të dhënë afat tjetër. E di sa e keni rritur koston e asaj rruge, ka nisur me 125 mln dollar dhe po vazhdon me 273 milionë dollar, jo 180 si thotë ministrja e financave. Do ketë dhe para të tjera dhe do shkojë nja 300 milionë kjo rrugë, gjithsej është 273 milionë dollarë, do shtosh dhe ca të tjera nga buxheti taulant para se të përfundojë”, tha Spaho.

Rrugët 'fusin në sherr' deputetët/ Balla

Pas tyre fjalën e mori kryetari i grupit parlamentar të PS-së, Taulant Balla, i cili ironizoi partinë e Ilir Metës.

Ai i kërkoi deputetit të PD-së të shkojë të bëjë kallëzim për lënien pas dore të rrugëve, teksa përmendi faktin se në 2017-ën i kishte ministrisë LSI-ja.

“E kam për SPAK-un, jo për ju, që rinovimi i një rruge fillonte pa pasur një projekt. Më pas u kontaktua një kompani italiane dhe një shqiptare. Kompania shqiptare e bëri me 'google maps' dhe nuk i shkoi kurrë në fund. Problemi kryesor ishte studimi gjeologjik. Në cili vend prokuroria nuk do të kishte ndërhyrë me kohë, për të vënë para drejtësisë këdo që pagoi para që e nxorrën rrugën në vende pa studime gjeologjik, jo vetëm për shtëpitë që ranë në përrua, unë kam protestuar, por fakti se urat në atë rrugë nuk iu putheshin dot këmbët. Se në njërin kah dilte me metra në disnivel, urë me malore. Është e vërtetë që LSI-ja kishte ministritë në 2017, por kjo është edhe përgjegjësia jonë, ne nuk bëmë kallëzimet e duhura penale ndaj tyre. Drejtësia vonon dhe nuk harron Mondi, nëse ti beson ato që thua, shko bëj kallëzim, është shumë e lehtë. Shiritin, Saliu yt me këngë e me valle e preu. Saliu këndonte, Mondi kërcënte se po fillojmë rrugën. Nuk dua të merrem më me këtë, faji është aty dhe duhen hetuar”, theksoi Balla./ B.A. - CNA.al