web counter
LEXO PA REKLAMA!

SHKARKO APP

App Store
Google Play

Niko Peleshi bën bilancin/ Një vatër zjarri “kërcënon” banesat, vijon “beteja” me flakët

2022-07-26 17:35:00, Aktualitet CNA
Niko Peleshi bën bilancin/ Një vatër zjarri
Zjarrfikësit në terren

Ministri i Mbrojtjes, Niko Peleshi, ka bërë bilancin e situatës së zjarreve në vendin tonë.

Me anë të një statusi në rrjetet sociale, Peshi bën të ditur se aktualisht po punohet për të vënë nën kontroll 6 vatra zjarri, të cilat nuk përbëjnë rrezik për zonat e banuara.

Ai thekson se shqetësim është vatra në fshatin Ndërshen të Mirditës, ku ndërhyrja me helikopter është e vështirë, për shkak të kushteve atmosferike.

Ministri njofton se aktualisht në këtë zonë po vijon puna nga terreni, në mënyrë që zjarri të mos prekë banesat.

“Në 6 vatra zjarri në qarqet Berat, Shkodër, Lezhë, Elbasan dhe Durrës po punohet prej orëve të para të ditës nga forcat operacionale në terren për të izoluar flakët që për shkak të erës janë përhapur, por pa rrezik për zonat e banuara.

Problematike është situata në fshatin Ndërshen, njësia administrative Orosh, Bashkia Mirditë, ku është e vështirë edhe ndërhyrja e helikopterit për shkak të kushteve atmosferike. Në terren forcat vijojnë punën të mbajnë nën kontroll vatrat afër banesave”, shkruan Peleshi./ B.A. – CNA.al





Lajmet e fundit nga