web counter
LEXO PA REKLAMA!

SHKARKO APP

App Store
Google Play

Mblidhet bordi i KNFSH-së/ I pranishëm edhe Fortlumturia e Tij Joani, homazhe për Kryepiskopin Anastas

2025-11-18 17:47:00, Aktualitet CNA

Mblidhet bordi i KNFSH-së/ I pranishëm edhe Fortlumturia e Tij Joani,

Këtë të martë u zhvillua mbledhja e Bordit të Presidencës së Këshillit Ndërfetar të Shqipërisë (KNFSH). I pranishëm ishte edhe Kryepiskopi i Tiranës, Durrësit dhe Gjithë Shqipërisë, Fortlumturia e Tij, Joani.

Takimi u hap dhe u drejtua nga Kryetari i KNFSH-së, Monsinjor Gjergj Meta, i cili në fjalën e tij përshëndetëse bëri një homazh për Kryepiskopin e ndjerë Anastas.

Homazhi i kryer ndaj Kryepiskopit Anastas u bë për konsideratën si një ndër etërit themelues të KNFSH-së në vitin 2007.

Mblidhet bordi i KNFSH-së/ I pranishëm edhe Fortlumturia e Tij Joani,

Në mbledhje morën pjesë edhe përfaqësues të tjerë të lartë të komuniteteve fetare të Shqipërisë: Komuniteti Mysliman i Shqipërisë, i përfaqësuar nga Haxhi Bujar Spahiu; Kisha Katolike e Shqipërisë, përfaqësuar nga Mons. Gjergj Meta, Kryetar i Konferencës Ipeshkvore të Shqipërisë dhe njëkohësisht kryetar i Këshillit Ndërfetar të Shqipërisë për vitin 2025; Kryegjyshata Botërore Bektashiane, e përfaqësuar nga Kryegjyshi Botëror i Bektashinjve Haxhi Dede Edmond Brahimaj; si dhe Vëllazëria Ungjillore e Shqipërisë (VUSH), përfaqësuar nga Pastor Erion Sylari.

Mbledhja e zhvilluar në ambientet e Kryegjyshatës Botërore Bektashiane u mbyll në një atmosferë të ngrohtë e mirëkuptimi të ndërsjellë, duke dëshmuar edhe një herë se harmonia ndërfetare mbetet një vlerë e çmuar dhe e qëndrueshme e shoqërisë shqiptare./CNA





Lajmet e fundit nga