web counter
LEXO PA REKLAMA!

SHKARKO APP

App Store
Google Play

Luli: Denoncimin e Gaz Bardhit e kam bërë para 6 vitesh

2024-03-30 19:52:00, Aktualitet CNA

Luli: Denoncimin e Gaz Bardhit e kam bërë para 6 vitesh

Edhe Lulzim Basha e deklaron se nga denoncimet e Gazment Bardhit për Olsi Ramën nuk ka asgjë të re.

Gjatë një interviste, Basha është shprehur se këtë fakt e ka denoncuar para 6 vitesh, në 2018 dhe e ka çuar çështjen në Gjykatën e Apelit dhe të pret që të merret vendimin në bazë të së drejtës.

Basha thotë se të njëjtat gjëra që ka denoncuar Bardhi, i ka denoncuar ai 6 vite më parë.

“Gjyqin me Edi Ramën për denoncimet që kam bërë për Olsi Ramën e kam çuar në Apel dhe pres që Apeli ta vendos në bazë të së drejtës, mendoj që jam në të drejtën time.

Ndërsa për akuzën që siç e thatë vet është shpalosur që në vitin 2018 nga ana ime, pres që drejtësia, SPAK-u të bëjë zbardhjen e plotë.

Është një akuzë që e kam bërë unë në vitin 2018-të dhe ajo që kërkoj sot është që drejtësia të bëjë zbardhjen e saj të plotë.

Është e njëjta gjë që kam kërkuar në vitin 2018-të. Denoncimi publik është forma më e lartë që mund të bëjë dikush dhe unë i kam bërë thirje drejtësisë që atëherë të bëjnë punën e tyre dhe e përsëris sot”, është shprehur Basha./ CNA





Lajmet e fundit nga