web counter
LEXO PA REKLAMA!

SHKARKO APP

App Store
Google Play

Korrupsioni dhe pastrimi i parave/ Dumani: Kemi numrin më të lartë në rajon të sekuestrimeve dhe konfiskimeve

2025-11-05 21:56:00, Aktualitet CNA

Korrupsioni dhe pastrimi i parave/ Dumani: Kemi numrin më të

Kryetari i Prokurorisë së Posaçme, Altin Dumani është shprehur mbrëmjen e sotme se sa i takon korrupsionit dhe pastrimit të parave, ka pasur rritje të numrit të kallëzimeve, procedimeve penale dhe të të pandehurve.

Në intervistën për “Trialog” me Alba Nishanin, Dumani tha se duke u ndalur te pastrimi i parave, Shqipëria është vendi i parë në rajon për numrin më të lartë të sekuestrimeve apo konfiskimeve të pasurive. Ai shtoi më tej se sekuestrimet më të mëdha të ndërtimeve të përdorura për pastrim parash kanë qenë në qytetet ku turizmi është më i lartë. 

"Për korrupsionin. Ajo që ne kemi thënë edhe në raportin vjetor, që është rritur numri i kallëzimeve, procedimeve penale, të pandehurve dhe numri i të dënuarve. Kur bëjmë një vlerësim risku na rezulton që është rritur numri i i procedimeve, të pandehurve. Falë punës se SPAK edhe renditja e Shqipërisë në Indeksin Global të korrupsionit është përmirësuar me 5 pikë. Kemi patur rritje të numrit të ndjekjes penale.

Sa i takon pastrimit të parave, SPAK ka rritur numrin e procedimeve penale, të pandehurve, numrin e pasurive të sekuestruara edhe konfiskuara. Kushdo është i lirë të shprehë mendimin për ne por shifrat janë aty. Nuk ka vend tjetër në rajon me numrin e sekuestrimeve apo konfiskimeve si ne. Kemi sekuestruar hotele, disa njësi tregtare, apartamente ambjente të ndryshme. Kemi një hetim për pastrim parash ku personi që po hetohet përdorte ndërtimin për të pastruar paratë e grupeve kriminale. Më shumë sekuestrime ka pasur në Tiranë, Durrës, Vlorë, Velipojë, Shëngjin aty ku dhe turizmi është më i lartë. Fatkeqësisht nuk kemi asnjë referim nga tatimet apo doganat.", tha Dumani. /CNA





Lajmet e fundit nga