web counter
LEXO PA REKLAMA!

SHKARKO APP

App Store
Google Play

E fundit!

x

Hapet gara fiktive/ Gazetari miliarder dhe ish-sekretari i PS-së në krye të RTSH-së

2023-05-30 13:05:00, Aktualitet CNA
Hapet gara fiktive/ Gazetari miliarder dhe ish-sekretari i PS-së në
Foto ilustruese

Sot hapet gara formalisht për zgjedhjen e Drejtorit të Përgjithshëm të RTSH-së.

Sipas njoftimit mbledhja do të zhvillohet në orën 13:00.

"Me kerkesen e Kryetarit te Keshillit Drejtues, Z.Leka Bungo, ju bej me dije se diten e neserme date 30.05.2023, ora 13:00 do te zhvillohet mbledhja e jashtezakonshme e Keshillit Drejtues me rendin e dites si me poshte:Hapja e procedures per zgjedhjen e Drejtorit te Pergjithshem te RTSH-se", thuhet në njoftim. 

CNA mëson se në krye të RTSH-së do të jetë gazetari miliarder dhe ish-sekretari i PS-së, Alfred Peza.

Njeriu që ishte drejtori i Irfan Hysenbelliut dhe ulërinte kundër Ramës pse dështoi me "Panorama TV" merr drejtimin e RTSH-së.

Hapet gara fiktive/ Gazetari miliarder dhe ish-sekretari i PS-së në

Gara është formale dhe gjithçka është e paravendosur.

Në krye të RTSH-së do të vendoset Alfred Peza i 1 milion dollarëve aksione bankare.

Alfred Peza në një periudhë të shkurtër nga një gazetar u kthye në një njeri që blinte aksione me qindra miliona lekë. Në vetëm 18 muaj, 4 apo 5-fishoi pasuritë e tij.

Si i shpëtoi burgut moralisti 1 milion dollarësh?

Në vitin 2017, Gjykata e Krimeve të Rënda hoqi sekuestron e pasurisë së ish-deputetit socialist Alfred Peza, pasi Prokuroria kishte kërkuar sekuestron e pasurisë prej 1.1 mld lekë.

Kujtojmë se prokuroria në mënyrë të përsëritur i ka kërkuar në atë kohë ish-deputetit Peza, që të paraqiste dokumente justifikuese në lidhje me pasurinë që dispononte.

Hetimi filloi kryesisht nga Prokuroria e Përgjithshme pas informacioneve e dokumenteve të publikuara në media në lidhje me pasurinë e ish-deputetit të PS-së, Alfred Peza./ CNA.al

 





Lajmet e fundit nga