web counter
LEXO PA REKLAMA!

SHKARKO APP

App Store
Google Play

E fundit!

x

“Fundi” i Arben Krajës në krye të SPAK-ut/ Ja çfarë deklaronte në KLP për veten

2022-09-08 15:01:00, Aktualitet CNA

“Fundi” i Arben Krajës në krye të SPAK-ut/ Ja

Arben Kraja do të jetë në krye të SPAK-ut edhe për tre muaj, pa llogaritur shtatorin, muajin në të cilin ndodhemi.

Në muajin, Maj, teksa raportoi në Këshillin e Lartë të Prokurorisë, Kraja është pyetur edhe për punën e tij si drejtues.

“Absurde për të vlerësuar veten. Por, kam punuar me vullnet, ligjshmëri, përgjegjshmëri e transparencë. Pjesën tjetër e vlerësojnë të tjerët”, ka thënë Kraja.

Ndërsa lidhur me efektivitetin e SPAK, për shkak të pritshmërive të shumta që ka psur opinion public, Kraja ka  pranuar se ka pasur probleme.

“SPAK-u është strukturë e ngritur nga e para dhe normalisht do ketë probleme, ndryshe nga BKH që i gjeti të gjitha gati. Rezultatet kanë ardhur, ka edhe shumë punë, do bëhet shumë punë”, është shprehur Kraja në KLP.

Ndërkohë, gjatë këtij muaji pritet edhe dalja e emrave të kandidatëve, ndërkohë që CNA.al ka raportuar më herët për prokurorët që synojnë të marrin drejtimin e SPAK-ut.

Janë dy kandidatë, dy prokurorë të SPAK-ut, që synojnë karrigen e Krajës.

Ata janë Altin Dumani, që aktualisht është zëvendës i Arben Krajës dhe Klodian Braho.

Sipas burimeve të sigurta të CNA.al, kandidati më potencial për të marrë karrigen e Krajës është Klodian Braho.

Braho duket se ka edhe mbështetjen e anëtarëve të Këshillit të Lartë të Prokurorisë./CNA.al





Lajmet e fundit nga