LEXO PA REKLAMA!

SHKARKO APP

Arben Kraja takim "kokë më kokë" me delegacionin Ministrisë së Drejtësisë kroate/ Zbardhen detaje

22 Shkurt 2022, 11:23, Aktualitet CNA

Kreu i SPAK Arben Kraja ka zhvilluar ditën e djeshme një takim me një delegacion të ministrisë se drejtësisë kroate.

Sipas një njoftimi nga SPAK bëhet me dije se në fokus të diskutimit ka qenë Reforma e  Drejtësisë.

Në ambientet e Prokurorisë së Posaçme kundër Korrupsionit dhe Krimit të Organizuar në Tiranë, më datë 21.02.2022 u zhvillua një takim mes Strukturës së Posaçme Anti-Korrupsion dhe delegacionit të Ministrisë të Drejtësisë së Kroacisë, të kryesuar nga zoti Ivan Valenica, Ministër i Drejtësisë, Kroaci.

Nga ana e Drejtuesit të SPAK u prezantua misioni, struktura, funksionet, vështirësitë e paraqitura, si dhe arritjet e deritanishme të punës në SPAK.

Në takim u diskutua gjerësisht rreth nevojës për të pasur një bashkëpunim ndërkombëtar sa më efektiv në luftë kundër krimit të organizuar në rajon apo më gjerë.

Memorandumi i Mirëkuptimit i firmosur në Nëntor 2020 mes Prokurorisë së Posaçme kundër Krimit të Organizuar dhe Korrupsionit Shqipëri (SPAK) dhe Prokurorisë kundër Korrupsionit dhe Krimit të organizuar Kroaci (USKOK) u vlerësua si një shembull pozitiv në këtë drejtim”, thuhet në njoftim./CNA.al

Lajmet e fundit nga