web counter
LEXO PA REKLAMA!

SHKARKO APP

App Store
Google Play

E fundit!

x

Çështja “21 janari”/ Ish-presidenti: Hetimi po shkon siç është parashikuar

2025-12-12 22:39:00, Aktualitet CNA

Çështja “21 janari”/ Ish-presidenti: Hetimi po shkon

Ish-presidenti Bamir Topi u paraqit pak ditë më parë në Prokurorinë e Posaçme për çështjën “21 janari”. Ai u thirr si person në dijeni, pasi në vitin 2011 kur ndodhi ngjarja mbante postin e kreut të shtetit shqiptar.

Ditën e sotme në një dalje televizive, ish-presidenti është shprehur se hetimi po shkon siç sipas tij ishte parashikuar. Topi shprehur besimin se drejtësia do të hetojë për të gjetur të vërtetat.

"Ka kohë që janë dhënë shenjat e qarta që ky problem që mbush 15 vitet është marrë nga drejtësia dhe qe do bëj punën e vet. Unë këtë konstatoj. Nisur nga eksperienca ime, duket se situata tani është ndryshe me angazhimin e drejtësisë. Njerëzit që kanë drejtuar në atë periudhë janë thirrur dhe po thirren, hetimi i 21 janarit po shkon siç është parashikuar.

E ndjej dhe kam besim se drejtësia do hetojë për të gjetur të vërtetat. Ajo që unë shoh që mungon nuk ka të bëjë me drejtësinë, por me politikën. Ka të bëjë me një nga momentet më delikate, që ka të bëjë me komisionin hetimor që është ngritur janarin e vitit 2011 dhe dëshiroj që ta them sonte. Kam parë në atë periudhë një angazhim të ethshëm deri në nivel patologjik të atyre që ngritën komisionin dhe kam parë një mungesë absolute të angazhimit të atyre që bën protestën e  21 janarit.

Çfarë mund të them unë më për politikën, që me një term mund ta kisha rënduar shumë, por nuk mund ta them dot. Janë 15 vite, ku janë ato detyrime dhe angazhime që ata që janë sot në pushtet, nuk morën qoftë 1 minutë të vetëm për t’ju rikthyer 21 janarit. Çështja është i vetmi komision hetimor që i shtuar mandatit dy herë dhe është i vetmi që nuk ka një raport final.

Njerëzit duhet ta dinë, këto politikanë furbo, marrin angazhime, çojnë të tjerë që ranë viktimë, të tjerë u plagosën. Së paku politikisht, dilni nga hipokrizia për të vendosur ato lulet te trotuari dhe bëj detyrën si politikan dhe kthehu politikisht.  21 janari kishte dy palë. Unë nuk flas për hetimin, kam respekt. Nuk mund të futem aty", tha Topi. /CNA





Lajmet e fundit nga