web counter
LEXO PA REKLAMA!

SHKARKO APP

App Store
Google Play

EKSKLUZIVE-Prokurori i SPAK kallëzohet për shpërdorim detyre dhe fshehje të akteve

2024-01-07 13:58:00, Aktualitet CNA
EKSKLUZIVE-Prokurori i SPAK kallëzohet për shpërdorim detyre dhe
SPAK

Prokurori i SPAK, Dritan Prençi, i cili ka qenë dhe njeriu që ka hetuar dosjen e inceneratorit të Fierit është kallëzuar te kolegët e tij në SPAK.

Burime zyrtare nga grupi i ekspertëve të opozitës i thanë CNA se prokurori Dritan Prençi ka kryer shkelje ligjore gjatë hetimeve që ka kryer për inceneratorin e Fierit .

Ai ka shpërdoruar detyrën dhe ka fshehur aktet duke mos çuar deri në fund hetimin pra duke e lënë atë të pjesshëm dhe mos dhënë përgjegjësinë ligjore deri në fund për të gjithë personat e përfshirë në aferën e këtij inceneratori.

Të njëtat burime i theksuan CNA se Dritan Prençi është kallëzuar në SPAK dhe dokumentin e kanë firmosur 10 deputetë të opozitës të cilët pasi i kanë lexuar materialet e mbledhura nga ekspertët kanë vendosur firmën e tyre duke theksuar se prokurori Dritan Prençi nuk e ka hetuar dhe zbardhur plotësisht aferën e inceneratorit të Fierit.

Kallëzimi i Dritan Prençit vjen pak javë pas çaurjes para drejtësisë të disa zyrtarëve të lartë të Bashkisë së Tiranës në lidhje me inceneratorin e munguar në kryeqytet, pra projektin e zhvillimit të landfillit të Tiranës.

Të njëjtat burime i thanë CNA se, janë përgatitur dhe materiale të tjera, pra kallëzime të cilat do të çohen në SPAK në lidhje me zyrtarë të bashkisë së kryeqytetit, të tjerë individë të përfshirë në aferën e inceneratorëve por, gjithashtu do të çohet dhe kallëzohet çdo person i cili konstatohet pas vlerësimit të dokumenteve dhe procedurës së ndjekur për hetimin se nuk e ka çuar atë deri në fund dhe nuk i ka shërbyer zbardhjes të së vërtetës.

CNA mëson gjithashtu se prokurori Dritan Prençi, i cili ka pasur në dorë dosjen e hetimit të inceneratorit të Fierit dhe landfillit të Tiranës, është duke vazhduar hetimet në lidhje me landfillin e kryeqytetit ku ende hetimet nuk kanë përfunduar por, vazhdojnë dhe janë dhjetëra persona të përfshirë në këto hetime./ CNA





Lajmet e fundit nga