web counter
LEXO PA REKLAMA!

SHKARKO APP

App Store
Google Play

Dumani takime të niveleve të larta në SHBA, politika shqiptare ngelet në klasë

2023-11-03 11:06:00, Aktualitet CNA
Dumani takime të niveleve të larta në SHBA, politika shqiptare
Altin Dumani, Edi Rama, Lindita Nikolla, Elisa Spiropali dhe Eron Veliaj

Kreu i Strukturës së Posaçme Kundër Korrupsionit dhe Krimit të Organizuar, Altin Dumani, ndodhet në Shtetet e Bashkuara të Amerikës, ku dhe ka zhvilluar takime të niveleve të larta.

Së fundmi, më 2 nëntor Dumani është takuar edhe me ndihmëssekretarin amerikan të shtetit për Çështjet Evropiane dhe Euroaziatike, Jim O’Brien, një zyrtar me peshë në administratën e shtetit amerikan. 

 

Ky i fundit shprehet se është i kënaqur me takimin e zhvilluar me kreun e SPAK-ut, si dhe për punën që po bëhet në drejtësinë shqiptare, duke e cilësuar atë si mbresëlënëse. Pjesë e takimit të Dumanit ka qenë edhe Yuri Kim, e cila tani mban postin e zëvendësndihmëssekretares kryesore për Çështjet Evropiane në DASH.

“I kënaqur që takova shefin e SPAK-ut, Altin Dumanin. Është mbresëlënëse të shohësh Reformën në Drejtësi që jep rezultate reale për popullin shqiptar, duke treguar me veprime se askush nuk është mbi ligjin. SHBA do të vazhdojë të mbështesë fuqishëm Reformën në Drejtësi, e cila është thelbësore për të ardhmen e Shqipërisë në BE”, thekson O’Brien.

 

Më 31 tetor, Dumani zhvilloi takime edhe me përfaqësuesit e Departamentit të Shtetit të SHBA-së, Departamentit të Drejtësisë, Administratës kundër Narkotikëve (DEA) dhe Byrons Federale të Hetimit (FBI).

Pra, Dumani, kreu i SPAK që po "u heq plurin dosjeve të nxehta" në Shqipëri, të cilat kanë sjellë jo pak reagime, po i hapen dyert në SHBA nga zyrtarë të lartë, teksa cilësohet edhe si njeriu që po punon për të goditur grupet e strukturuara kriminale, korrupsionin e zyrtarëve të lartë dhe që nuk kursehet deri në vënien e tyre prapa hekurave. 

Në fakt, e njëjta gjë nuk ndodh me përfaqësuesit të politikës shqiptare, të cilët në axhendat e tyre vizitat në shtetin amerikan i kanë jo të pakta, por me takime jo të niveleve të larta.  Madje takimet e tyre nuk shoqërohen me komente pozitive nga zyrtarët e lartë amerikanë për punën e bërë nga qeveria, por theksohet vetëm nevoja për reforma, kryesisht në korrupsion dhe krim të organizuar. 

Vizitat në SHBA

E nisim fillimisht, me Lindita Nikollën, vizitën "më të freskët", të kryetares së Kuvendit në SHBA, të zhvilluar gjatë muajit tetor.  Ajo qëndroi në SHBA nga data 21 deri në 26 tetor. 

Në 21 tetor, Nikolla u takua me përfaqësues të Federatës Panshqiptare “Vatra” në New York. Në 23 tetor ajo u takua me Asistent Sekretaren për Organizatat Ndërkombëtare, znj. Michele J. Sison. Ndërkohë më 24 tetor me Kryetarin e Komisionit të Dhomës së Përfaqësuesve për Evropën, z. Thomas Kean. Më 25 tetor ajo u takua me Zëvendësndihmës Sekretaren Kryesore të Shtetit, Yuri Kim me Gabriel Escobar, Ndihmës Sekretar i Shtetit dhe i Dërguari Special për Ballkanin Perëndimor. Në 26 tetor Ervin Bushatin, ambasador i Shqipërisë në SHBA. 

Zyrtarët që Nikolla takoi gjithsesi nuk janë në nivelin e Jim O’Brien. Madje vizita e Nikollës u shoqërua edhe me një incident, gjatë një organizimi të "Vatrës", ku aktivisti Agustin Mirakaj, u dhunua gjatë ceremonisë. 

Por, tetori ka qenë një muaj i vizitave zyrtare në SHBA për politikën shqiptare.  E vijojmë rezymenë tonë me Ministren për Shtetin dhe Marrëdhënien me Parlamentin, Elisa Spiropali, e cila zhvilloi më 22 dhe 26 tetor një vizitë zyrtare në Washington. 

Më 23 tetor, ministrja shqiptare u takua  me Nada Zohdy, Drejtore e Rrjetit Global në Fondacionin Obama dhe 
Yuri Kim, Zëvendës Ndihmës Sekretarja kryesore e Shtetit për Çështjet e Evropës dhe Euroazisë. Më 24 tetor, Spiropali zhvilloi bisedime me  Julie M. Stufft, Zëvendës Ndihmës Sekretare për Shërbimet e Vizave në Byronë e Çështjeve Konsullore dhe Alonso Cerdan, dhe znj.Denisse Miranda, në "Partneritetin për Qeverisjen e Hapur" (OGP). 

Më 25 tetor, ajo vijoi takimet me Brian Vogt, Këshilltar i Lartë për Demokraci, të Drejtat e Njeriut dhe Qeverisje në Agjencinë e Shteteve të Bashkuara për Zhvillim Ndërkombëtar (USAID) dhe ekipin e Samitit për Demokraci. Po kështu u takuar edhe me Nicole Chulick, Zëvendës Ndihmës Sekretare në Byronë e Demokracisë, të Drejtave të Njeriut dhe Punës dhe Christopher J. Anderson, Drejtor i Zyrës për Çështjet Evropiane si dhe me  me ekipin e Institutit Republikan Ndërkombëtar (IRI). 

Vizitën e saj në Uashington ajo e përmbylli me takime me Zëvendës Ndihmës Sekretarin e Shtetit dhe të Dërguarin e Posaçëm për Ballkanin Perëndimor, Gabriel Escobar si dhe Todd D. Robinson, Ndihmës Sekretar i Shtetit për Byronë Ndërkombëtare të Narkotikëve dhe Çështjeve të Zbatimit të Ligjit.

Vizitave zyrtare në SHBA nuk kishte si t'u mungonte Erion Veliaj, i cili mbërriti në "tokën e ëndrrave" në 21 tetor. Kreu i Bashkisë së Tiranës, gjatë vizitës atje takoi ish-ambasadorin amerikan në Tiranë, Aleksandër Arvizu,  si dhe Pete Buttigieg, Sekretar i Transportit të SHBA-së.

Vizitës zyrtare të tij, nuk i shpëtoi as takimin me "mikeshën" e dikurshme të Tiranës, Yuri Kim. Po kështu Veliaj u takua dhe  kongresmenin Ritchie Torres, anëtaren e Dhomës së Përfaqësuesve, kongresmenen Elissa Slotki. 

Kalojmë tek muaji shtator, ku edhe kreu i qeverisë shqiptare Edi Rama ka zhvilluar vizitë zyrtare në SHBA, të cilën e nisi më 19 shtator. 

Më 20 tetor ai drejtoi mbledhjen e Këshillit të Sigurimit, pasi Shqipëria kishte marrë Presidencën e saj. Gjatë vizitës atje, Rama u takua me Ministrin e Jashtëm britanik, James Cleverly,  Ministrin e Jashtëm të Emirateve të Bashkuara Arabe, Sheikh Abdullah Bin Zayed Bin Sultan Al Nahyan dhe  Presidentin e Ukrainws, Volodymyr Zelensky. Po kështu u takua edhe me kancelarin gjerman kancelari gjerman Olaf Scholz. Edhe pse qëndroi disa ditë Rama nuk zhvilloi asnjë takim me zyrtarë apo politikanë amerikanë.

Pra siç vihet re edhe nga agjendat e sipërpërmendura, mund ta themi me plot gojë, që Dumani jo vetëm që është prokurori që po godet shkelësit e ligjit, përfshirë ministria, ish-ministra, deputetë, biznesmenë dhe po heton "dosjet e nxehta", mirëpritet nga SHBA-ja nga zyrtarë të rangjeve të larta./CNA





Lajmet e fundit nga