E fundit!

12:23 TODAY

Ja kush e merr drejtimin e Policisë së Vlorës

Edvin Ndreu i renditur me 84 pikë në garën për drejtoritë ...

Dekretimi i ligjit për Zonat e Mbrojtura/ Muçollari: Asnjë surprizë, Presidenti mbron Ramën

2024-03-18 21:12:00, Aktualitet CNA

Dekretimi i ligjit për Zonat e Mbrojtura/ Muçollari: Asnjë

Grigels Muçollari ka reaguar pas dekretimit të ligjit për Zonat e Mbrojtura nga Presidenti Bajram Begaj.

Muçollari shkruan se Presidenti është rreshtua në krah të Ramës për në nismë që i hap rrugë betonit në vendet që janë të paprekura.

Sipas Muçollarit, Zonat e Mbrojtura e humbën sot edhe një instancë garantuese, duke u ekspozuar edhe me shumë ndaj rrezikut te Edi Ramës e klientelës së tij që do të shtrijnë kthetrat në lagunat, pyjet, monumentet më të bukura të vendit, te tilla, pikerisht ngase nuk janë prekur e betonizuar deri më tani

“Presidenti i Republikës është rreshtuar edhe një herë në krah të Edi Ramës, për një nisëm qeveritare me shumë ndjeshmëri e që ka sjellë jo pak kontestim, siç është ndryshimi në ligjin për Zonat e Mbrojtura, që i hap rrugë betonit në ato vende që janë ruajtur të paprekura deri sot.

Edhe pse Opozita e disa organizata të mjedisit i kërkuan Kreut të Shtetit ta kthente ligjin, Begaj e ka dekretuar sot, duke mos bërë pjesën e tij për të mbrojtur Shqipërinë e për të frenuar arbitraritetin e qeverisë.

Madje, në sqarimin e aktit të tij, Begaj duket sikur qorton aktivistët që sipas tij nuk kanë çuar argumentat e duhur tek ai.

Zonat e Mbrojtura e humbën sot edhe një instancë garantuese, duke u ekspozuar edhe me shumë ndaj rrezikut te Edi Ramës e klientelës së tij që do të shtrijnë kthetrat në lagunat, pyjet, monumentet më të bukura të vendit, te tilla, pikerisht ngase nuk janë prekur e betonizuar deri më tani.

Ndërsa Begaj dëshmoi dhe një herë se është dështim dhe një shpenzim i kotë për taksapaguesit shqiptarë, pasi nuk ofron asnjë garanci për rolin dhe detyrën për të cilën paguhet.

Ai nuk ka as kurajon e një ministri për të kundërshtuar Ramën.

Opozita nuk do të heqë dorë nga mbrojtja e Zonave të Mbrojtura, duke ndjekur instancat e mbetura e duke nxitur qytetarët të mos lejojnë pasuritë e vendit të kthehen në biznese për miqtë e kryeministrit e familjarët e tij”, shkruan Muçollari./ CNA