web counter
LEXO PA REKLAMA!

SHKARKO APP

App Store
Google Play

Arrestimi i Breçanit dhe shefit të krimeve/ Balla: Vatra kanceroze brenda policisë ishin shërbëtorë të krimit

2023-11-21 10:16:00, Aktualitet CNA

Arrestimi i Breçanit dhe shefit të krimeve/ Balla: Vatra kanceroze

Ministri i Brendshëm, Taulant Balla foli për operacionin e SPAK që ka vënë në pranga 11 persona, mes të cilëve ish-zëvendësdrejtori i Policisë, Erzen Breçani, djali i tij dhe shefi i komisariatit numër 6 Dedan Gjoni, oficerja e drejtorisë së kufirit dhe migracionit, J.B.

Balla tha gjatë një prononcimi për mediat se vetëpastrimi i Policisë së Shtetit po shkon në një nivel tjetër.

Ai deklaroi se operacioni i SPAK është skaner i qartë i mënyrës si vatra kanceroze brenda Policisë së Shtetit kanë shërbyer ndër vite si shërbëtorë të krimit të organizuar.

“Faleminderoj për besimin dhe bashkëpunimin prokurorët e SPAK. Falë këtij besimi dhe këtij bashkëpunimi, koordinimit tashmë besoj se më të gjithë vlerësimin kemi ngritur në një nivel tjetër goditjen e krimit, në rastin sot të përfshirë me vepra të rënda penale.

Falë këtij bashkëpunimi me SPAK ne po çojmë në nivel tjetër edhe procesin e vetëpastrimit në Policinë e Shtetit. Vatrat e bashkëpunëtorëve të krimit të organizuar dhe dosja në fjalë është një skaner i qartë i mënyrës si vatra kanceroze brenda Policisë së Shtetit ndër vite kanë shërbyer si shërbëtorë të krimit të organizuar”, theksoi ministri./ CNA





Lajmet e fundit nga