web counter
LEXO PA REKLAMA!

SHKARKO APP

App Store
Google Play

Ambicia e Ramës: Në 2030 do i afrohemi shifrës së 20 milionë turistëve

2023-11-07 18:03:00, Aktualitet CNA
Ambicia e Ramës: Në 2030 do i afrohemi shifrës së 20
Kryeministri Edi Rama

Kryeministri Edi Rama, sot gjatë fjalës së tij në Asamblenë e Zgjeruar të PS-së në Durrës, ka theksuar se nëse socialistët do të jenë ambiciozë dhe do të bëjnë gjërat e duhura në 2030 do t’i afrohen shifrës së 20 milionë turistëve.

Rama tha se është hapur një portë e re për Shqipërinë të natyrës financiare.

“Një nevojë në rritje për infrastrukturën dhe për cilësinë e shërbimit jo vetëm për sasi.

Jam i bindur se nëse do jemi ambiciozë çdo ditë dhe do të bëjmë gjërat e duhura çdo vit ne padiskutim mund t’i afrohemi deri 2030 shifrës e 20 milionë turistëve.

Kemi vendosur një bazë të re.Shqipëria është sot në një nivel të ri në cdo aspekt. Nuk jemi në majën ku duhet të shkojmë në 2023. Jemi në nivel të ri. Nëse shikoni të gjithë të dhënat dhe të gjithë institucionet që vlerësojnë financat tona dhe buxhetin tonë shihet se është hapur një portë e re për Shqipërinë.

Nuk po bëj bilancin e një mrekullie po thjesht po mundohem të them se jemi në një fazë që po mbledhim çdo ditë e më shumë atë që kemi kultivuar me shumë përpjekje në vitet e mëparshme ku na është dashur të nisemi nga pika shumë të ulëta në çdo aspekt. E di që shifrat nuk janë gjithmonë tërheqëse në bisedë por disa duhet t’i them se janë të rëndësishme”, tha Rama./ CNA





Lajmet e fundit nga