web counter
LEXO PA REKLAMA!

SHKARKO APP

App Store
Google Play

E fundit!

x

10 të pandehurit për inceneratorin e Elbasanit/ Akuzat që rëndojnë mbi ta

2022-12-12 16:34:00, Aktualitet CNA
10 të pandehurit për inceneratorin e Elbasanit/ Akuzat që
Fotomontazh

Mbyllen hetimet për inceneratorin e Elbasanit/ Kush janë të pandehurit, akuzat që rëndojnë mbi ta

SPAK ka mbyllur hetimet për inceneratorin e Elbasanit.

Sipas Prokurorisë së Posaçme procedimi penal nr.277 të vitit 2020, bën fjalë për veprat penale “Shpërdorimi i detyrës”, “Korrupsioni aktiv i funksionarëve të lartë shtetërorë ose i të zgjedhurve vendorë”, “Korrupsioni pasiv i funksionarëve të lartë shtetërorë ose i të zgjedhurve vendorë” dhe “Pastrimi i produkteve të veprës penale apo i veprimtarisë kriminale” Këto akte në kundërshtim me ligjin janë kryer në rrethanën cilësuese “në bashkëpunim”, ku si të pandehur janë shpallur:

1.Lefter Koka- ish ministër i Mjedisit
2.Alqi Bllako,  ish Sekretari i Përgjithshëm në Ministrinë e Mjedisit, 
3.Etleva Kondi,- e pandehur
4.Jonida Zeqo, e pandehur
5.Pëllumb Abeshi, e pandehur
6.Bardhul Çabiri, i pandehur
7.Serafin Papa, i pandehur
8.Mirel Mërtiri, pronari faktik i shoqërisë“Albtek Energy” sh.p.k
9.Klodian Zoto- ortaku i vetëm dhe administratori i shoqërisë “Integrated Technology Services”
10.Stela Gugallja-  ortake e vetëm dhe administratore e shoqërisë “Albtek Energy”

Në përfundim të hetimeve paraprake në ngarkim të të pandehurve të mësipërm, janë mbledhur provat e nevojshme dhe është provuar fakti se janë konsumuar disa vepra penale, më konkretisht:

-Së pari, nga hetimet e kryera është provuar se në proçedurën e dhënies së konçensionit dhe në lidhjen e kontratës me objekt “Ndërtimin dhe administrimin e impiantit të trajtimit të mbetjeve urbane të Qarkut Elbasan, për prodhimin e energjisë”, nuk janë kryer të plota veprimet përgatitore për dhënien e konçensionit.

-Së dyti, nga hetimet është provuar gjithashtu fakti se nuk është është zbatuar proçedura e rregullt ligjore lidhur me llojin e proçedurës që është përdorur për dhënien e konçensionit, në kundërshtim me parashikimet e nenit 22 të ligjit nr.125/2013 “Për konçensionet dhe partneritetin publik privat”, në kundërshtim me dokumentet standarte të tenderit të zbatueshme për konçensionet, në kundërshtim edhe me sygjerimet e Ministrisë së Financave dhe Agjensisë së Prokurimit Publik.

Të pandehurit Pëllumb Abeshi, Bardhul Çabiri, Serafin Papa, Etleva Kondi dhe Jonida Zeqo, janë akuzuar se kanë kryer veprën penale “Shpërdorimi i detyrës”, të kryer në bashkëpunim,

Të pandehurit Mirel Mërtiri, Stela Gugallja dhe Klodian Zoto janë akuzuar se kanë kryer veprat penale “Korrupsioni aktiv i funksionarëve të lartë shtetërorë ose i të zgjedhurve vendorë”, kryer në bashkëpunim, si dhe “Pastrimi iprodukteve të veprës penale apo i veprimtarisë kriminale” , kryer në bashkëpunim.

Ndërsa, i pandehuri Leftër Koka është akuzuar se ka kryer edhe veprat penale “Korrupsioni pasiv i funksionarëve të lartë shtetërorë ose i të zgjedhurve vendorë”, si dhe “Pastrimi iprodukteve të veprës penale apo i veprimtarisë kriminale” , kryer në bashkëpunim./CNA.al





Lajmet e fundit nga