web counter
LEXO PA REKLAMA!

SHKARKO APP

App Store
Google Play

E fundit!

x

Nga rënia e inflacionit, te norma bazë e interesit/ Gent Sejko zbulon objektivat e Bankës së Shqipërisë

3 Maj 2023, 16:22, Ekonomi CNA

Nga rënia e inflacionit, te norma bazë e interesit/ Gent Sejko zbulon

Guvernatori i Bankës së Shqipërisë, Gent Sejko ka deklaruar rënia e inflacionit do të jetë objektivi kryesor për vitin e ardhshëm.

Ndër të tjera Bejko ka bërë të ditur se Banka e Shqipërisë do të mbajë të pandryshueshme normën bazë të intersit në 3%.

“Ekonomia shqiptare do vijojë të rritet dhe inflacioni do shënojë rënie graduale dhe do kthehet në objektiv në gjysmën e vitit 2024. Ky normalizim do krijojë një balancë më të mirë mes kërkesës dhe ofertës. Do mbështesë qëndrueshmërinë në tregje. Ritmi i rritjes pritet të vijë në ngadalësim të lehtë gjatë vitit 2023. Këshilli mbikëqyrës në BSH vendosi të mbajë të pandryshuar interesin bazë të normës së interesit në 3%. Presionet e larta inflacioniste nga ekonomia e brendshme mbeten faktor rreziku për destabilizimin e çmimeve në vend”-tha Sejko.

Për sa i përket rënies së vlerës së monedhës së euros, Sejko u shpreh se janë disa faktorë që kanë ndikuar, nga investyimet e huaja te turizmi.

“Lidhur me kursin e këmbimit, BSH ka sqaruar se Kursi i Këmbimit ka qenë në epërsi prej disa vitesh, duke u mbiçmuar. Forcimi është më i fortë sepse vjen si pasojë e disa faktorëve. Të dhënat e bilancit të pagesave tregojnë rritje të konsiderueshme të investimeve të huaja, të të ardhurave nga turizmi, rritje të eksporteve në total. Gjithashtu edhe remitancat kanë ardhur në rritje. Kjo ka bërë që oferta e euros në vend të jetë e konsiderueshme.  Nuk kemi arsye për të ndërhyrë por duhet bashkëpunuar me eksportuesit dhe ato industri që preken nga ndryshimi i kursit të këmbimit”, tha ai ndër të tjera./CNA.al

 

 

 





Lajmet e fundit nga