E fundit!

10:46 Aktualitet

Skenarët e Erion Veliajt në protestën për Zvërnecin

Një protestë që parullën ka “Zvërnec”, por po t’i heqësh e...

Skandali me linjat urbane të Tiranës/ Mungesë cilësie në shërbim, etikë dhe higjienë

27 Janar 2026, 13:45, Denoncim CNA

Skandali me linjat urbane të Tiranës/ Mungesë cilësie

Linjat urbane të Tiranës jashtë kontrollit të bashkisë në të gjitha aspektet e menaxhimit të tyre.

Në këto linja evideontohet problematika të shumta, ku kryesore është cilësia e shërbimit. Po ashtu, qytetarët ngrejnë si shqetësim edhe vonesat në kohën e lëvizjeve dhe kapacitetet.

Skandali me linjat urbane të Tiranës/ Mungesë cilësie

Veç kësaj, një çështje me rëndësi është mungesa e etikës e higjenës në këto linja mjaft të frekuentuara nga banorët e kryeqytetit dhe jo vetëm.

Sikur të mos mjaftonte kjo, situata ka degraduar deri në shkelje të hapur ligjeve.

CNA ka bërë një vëzhgim nëpër linjat urbane të Tiranës, ku është vënë re se shoferët e autobusëve, por edhe punonjësit faturino konsumojnë hapur duhan brenda automjeteve të linjës, si gjatë kohës së qarkullimit, ashtu edhe në ndalim apo kohës së qëndrimit në stacion.

Ndër qytetarët që përdorin këto linja n përditshmëri, ka edhe prej tyre që shpeshherë u tërheqin vëmendje këture shkelësve të ligjit.

“Zotëri këtu ndalohet duhani”,-është fjalia më e shpeshtë që dëgjohet në të tilla raste.

Këtyre qytetarëve u kthehet përgjigje fyese, duke i treguar taksitë ose zbritjen nga urbani si “zgjidhje”.

Ndërkohë, në disa linja urbane, si për shembull në linjën e Porcelanit, janë hequr tabelat e brendshme me logot ku shkruhet: ‘Ndalohet duhani’ ose ‘Mos i fol shoferit’.

Skandali me linjat urbane të Tiranës/ Mungesë cilësie

Duket sikur këto elemente të rëndësishme që janë pjesë e shërbimit urban, nuk konsiderohen të tilla edhe për Bashkinë e Tiranës, që harrojnë se këto linja nuk kanë si funksion vetëm ofrimin e shërbimit të transportit për qytetarët.

Veç kësaj, një shërbim i tillë publik duhet të jetë edhe model i cilësisë dhe respektimit të ligjit, por shihen si mjete ‘pa vlerë’, teksa në vend që të përmirësojnë cilësinë dhe shërbimin, bëhen shkelësit e parë të rregullave dhe ligjit, duke i çuar linjat urbane në Tiranë drejt degradimit./CNA