web counter
LEXO PA REKLAMA!

SHKARKO APP

App Store
Google Play

Shërbimi skandaloz “xhindos” udhëtarët / “Plas” në urbanin e linjës së Zoologjikut

5 Qershor 2024, 19:30, Denoncim CNA

Shërbimi skandaloz “xhindos” udhëtarët /

I ardhur me më shumë se 1 orë e 30 minuta vonesë, autobusi urban i linjës Stacioni Trenit-TEG, ka sjellë mbingarkesë udhëtarësh dhe nervozizëm, që është finalizuar me protestë masive e mospagesë biletash. Indinjata e stimuluar nga vonesa ulëritëse e urbanit dhe pritja torturuese  e udhëtarëve të rraskapitur nga vapa e lodhja në punë, ka ndodhur në orët e drekës së të martës kur “karroca” me emrin “urban linje”, mbërriti në stacionin e Kopshtit Zoologjik, në ardhjen nga TEG.

Kanë qenë pikërisht udhëtarët pritës në këtë stacioni (me shumicë gra e vajza), të cilat sapo kanë hipur i kanë zbrazur fatorinos indinjatën e shkaktuar nga pritja e tepruar dhe kushtet skandaloze të autobusit. Me indinjatën e grave të Zoologjikut u solidarizua edhe pjesa tjetër e udhëtarëve, që mesa u duk, priste rastin të shpërthente nga vonesa e tepruar e urbanit, që nuk është sporadike por sjellje e përditshme. 

Shërbimi skandaloz “xhindos” udhëtarët /

CNA ka shkruar edhe më parë për problematikat e kësaj linje që prej më shumë se dy vitesh e ushtron aktivitetin e transportit urban duke mos përmbushur asnjë kusht ligjor. Si në standardin e gjendjes teknike skandaloze të autobusëve, ashtu dhe në moskorektësinë ndaj udhëtarëve që i lë në pritje anormale nëpër stacione.

Një pritje punëprishëse kjo pasi shumica e pasagjerëve të kësaj linje janë punonjës që e ushtrojnë veprimtarinë në institucione e subjekte përgjatë kësaj zone. Ata kanë një orar zyrtar që duhet ta respektojnë përndryshe, nëse vonesat bëhen rutinë, mund të ndëshkohen me pushim nga puna. Gjë që deri më sot nuk ka ndodhur (shkurtim orësh për shkak të vonesave po), falë daljes deri në 60 minuta para orarit të mbërritjes së urbanit në stacion.

Do të mjaftonte qoftë edhe një udhëtim i vetëm më autobusat e kësaj linje për të kuptuar cilësinë skandaloze që ofron kompania administruese e linjës “Stacioni Trenit – TEG”, me 7 autobusat, që kurrë nuk janë në gjendje normale pune. Por si ka mundësi që flota shkatarraqe e autobusëve jashtë kushteve të duhura teknike, ia del të kalojë testin e kolaudimit?

Shërbimi skandaloz “xhindos” udhëtarët /

Si ka mundësi që Inspektoriati i Transportit Publik pranë Bashkisë rri dhe vështron këtë krim publik? Si ka mundësi që ndonëse me një flotë automjetesh tejet të konsumuara, që nuk ofrojnë asnjë standard njerëzor, kompania administruese e linjës urbane “Stacioni i Trenit- Kopshti Zoologjik-TEG”, vijon të licensohet nga autoriteti përgjegjës i Bashkisë së Tiranës, që shpërfill katrahurën që torturon udhëtarët?

Përse Drejtoria e Transportit të Trafikut Rrugor, Qendra për Regjistrimin dhe Licencimin, Agjencia për Mbrojtjen e Konsumatorit dhe Policia Bashkiake qëndrojnë indiferente ndaj kësaj situate ulëritëse? Çfarë fsheh tjetër heshtja e tyre përveç interesit përfitues?!/ CNA

Shërbimi skandaloz “xhindos” udhëtarët /





Lajmet e fundit nga