web counter
LEXO PA REKLAMA!

SHKARKO APP

App Store
Google Play

E fundit!

x

"Meta–Kryemadhi, të përfshirë në 43 afera"/ Beqiri: Shumë shpejt do të plas “bombën e vërtetë"

15 Shtator 2022, 15:13, Denoncim CNA

"Meta–Kryemadhi, të përfshirë në 43 afera"/

Avokati Idajet Beqiri ka paditur në SPAK, çiftin Meta-Kryemadhi.

Ai ka deklaruar sot se ka prova të qarta që vërtetojnë se çifti Meta-Kryemadhi kanë shpenzuar 287 mijë € për ndërhyrje kirurgjikale.

Në një intervistë në "Report TV", Beqiri ka thënë se e ka kopsitur dosjen, dhe i bën thirrje SPAK-ut që të nisë menjëherë hetimet.

“Nuk ka gjë që fshihet në këtë vend, duken që kanë bërë operacione, si ishin dhe si janë bërë, duhet të thonë burimet e të ardhurave marramendëse që i kanë bërë. Kam parë fatura me 287 mijë euro, është nisur nga banka e Qipros, ka shkuar në spital, kanë emër, mbiemër, data 4 qershor të 2018, ka bërë ndërhyrje dhe Meta dhe fëmijët. Kjo shumë a ka të tjera apo është vetëm kjo, është futur Iliri dhe fëmijët apo jo. Ia kemi dhënë të gatshme SPAK-ut.

Janë nënpunës të lartë të shtetit dhe duhet t’i deklarojnë pasuritë e tyre, në 2011-2014 Meta nuk ka deklaruar paratë që ka bërë për problemet e oreksit, i ka bërë te mjeku më i mirë. Pastaj ku i gjete këto para, kemi pastrim të parash, me këtë e bëra që SPAK-u të mos ketë më gojë që të thotë nuk ka sjellin provat, është një dosje e qepur, t’i bëjë veprimet që i kemi thënë me fatura dhe adresa të qarta. I kemi dhënë me foto, fatura dhe pastaj të vazhdojnë me të tjera”, tha Beqiri.

Më tej, Beqiri ka pohuar se është në dijeni të 43 aferave korruptive që implikojnë Ilir Metën, 4 prej të cilave kanë shkuar në SPAK.

 “Meta ka bërë shumë krime në vend dhe ka ardhur koha të japë llogari, nuk mbulohen më krimet e rënda, janë 43 afera koruptive që implikohet ai dhe Monika Kryemadhi, deri tani kanë shkuar në SPAK 4, bashkë me rastin tim. Do kemi edhe të tjera, do keni përsëri, do shikoni një tjetër bombë të vërtetë”, tha Beqiri./CNA.al





Lajmet e fundit nga