E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

“Më kanë rrahur, më çuan tek 5-a”/ Fqinjët i presin ujin 79-vjeçares së vetmuar

8 Dhjetor 2023, 22:47, Denoncim CNA

“Më kanë rrahur, më çuan tek 5-a”/

Rasti i radhës në “Stop” ka të bëjë me 79-vjeçaren Eftali Qosja, e cila jeton e vetme në zonën e “21 Dhjetorit”, në katin e dytë të një pallati.

Prej një muaji fqinjët i kanë prerë ujin, sepse sic thotë ajo, ka një konflikt me familjet Isaku dhe Prifti në katet e para dhe të treta, për një shtesë, që zonja nuk pranon ta zgjerojë.

Eftali Qosja: Kam konflikt me komshinjtë, atë lartë dhe kjo poshtë. File Isaku, ky lartë është Natasha Prifti bashkë me Artur Priftin, burrë e grua.

Gazetarja: Ti nëna jeton në katin e dytë.

Gazetarja: Ankesa jote është për komshinjtë e katit të parë dhe të katit të tretë.

Gazetarja: Çfarë konflikti ke me ato?

Eftali Qosja: Konflikt se ai do të bëjë tek dritarja ime dhe unë s’e lë të bëjnë shtesë tek dritarja ime. Katin tim ta harrojë ai. Se lë kurrë unë!

Eftali Qosja: Ja hajd ta tregoj unë këtu tek banja.

Eftali Qosja: Po shtesa që do ai dhe unë nuk e lë tek dritarja të bëjë asgjë. Është kati im, nuk ka të drejtë ai.

Gazetarja: Kjo është molla e sherrit midis fqinjëve të tu. Dhe për këtë arsye, kush janë pasojat e këtij debati?

Eftali Qosja: Ka shumë kohë, më presin ujin, më prishin dritat, më kanë rrahur. Më morën më çuan tek 5-a, për të më bërë budallaqe me gjilpëra. Të gjitha deri më 7 Nëntor 2020.

Gazetarja: Me kë jeton këtu ti?

Eftali Qosja: Tërë jetën. Edhe kam qenë mirë, tani që u bë shtesa filluan gjithë debatet.

Gazetarja: Sa kohë ka që është bërë kjo shtesë?

Eftali Qosja: Në ’97-ën dhe ka filluar konflikti, ka filluar ndotjet. E çau shtëpinë të gjithë ky sipër, ja dhe uji futet gjithaçka. Mua më kanë plagosur, e më kanë bërë, çfarë s’më kanë bërë. Ja, më kanë rrahur, më kanë plagosur, e të gjitha.

Gazetarja: Pse moj nëna, çfarë kanë me ty këto? Çfarë duan?

Eftali Qosja: Unë nuk e lë tek dritarja. Kurrë!

Gazetarja: Po sa kohë ke pa ujë ti?

Eftali Qosja: Unë kam 1 muaj e gjysmë zëre.

E moshuara ka një muaj pa ujë. Ajo është ankuar në UKT, institucion, që ia ka rilidhur ujin. Por fqinjët ia kanë prerë sërish.

Gazetarja: Nuk është hera e parë që ty të ndërpresin ujin.

Eftali Qosja: Disa herë po, më shumë.

Gazetarja: Çfarë ke bërë kur të është ndërprerë, para Stopit?

Eftali Qosja: Kam shkuar tek ujësjellësi. Ujësjellësi ma ka lidhur, sa ikin ato e mbyll prapë ky lartë, bashkë me Filen poshtë.

Gazetarja: Familja Isaku dhe familja…?

Gazetarja: Përveç kësaj, ty të kanë ndërprerë edhe energjinë elektrike.

Eftali Qosja: Disa herë, e prisnin, e bëjnë, më rrihnin, më bënin e, më ka çuar policia në shtëpi.

Gazetarja: Dhe energjia elektrike të është lidhur sërish falë fqinjëve të tjerë që kanë ndërhyrë?

Gazetarja: Ku e ke ndjekur ti këtë problem?

Eftali Qosja: Tek të gjithë, policia, në datën 7 Nëntor 2020, mua m’i dhanë lekë këta, e pagoi ai dhe ky, rajoni numër 2, Filja bashkë me atë Natasha Priftin.

Gazetarja: Çfarë masash ka marrë Komisariati nr.2 për këtë rast?

Eftali Qosja: Asgjë nuk mori, vetëm më mori mua më çoi tek 5-a, më bënë budallaqe me gjilpëra. Asnjë gjë se është i korruptuar.

Gazetarja: Nëna, ti çfarë kërkon?

Eftali Qosja: Unë kërkoj nga juve që të më lidhet uji dhe mos të më prekin se unë jam në pronën time. Edhe s’ka të drejtë kush të më preki se më kanë shkatërruar organet. Jam e sëmurë. Unë vuaj nga barku, nga zorrët, nga stomaku, nga reumatizma, nga tiroidet edhe gjoksi (pëshpërit).

Ne flasim me fqinjët, të cilët pretendojnë, se e moshuara e ka prishur vete ujin, se është e sëmurë mendore.

Gazetarja: Tani të lutem, do të flasësh për problemin, si palë tjetër? Se unë kam marrë intervistën e asaj dhe mora zgjidhje.

Qytetarja: Ajo ankohej për ne? Nxorri emra?

Qytetarja: Meqënëse, s’ka ankesë ajo për ne…

Qytetarja: Po t’i mbyllet uji asaj, nuk rrjedh shtëpia ime! Ka një logjikë, por asaj ashtu i thotë truri.

Gazetarja: Të lutem o zonjë! Kush e ka prerë ujin? Kush ia ka mbyllur ujin asaj?

Qytetarja: Ato të ujësjellësit vijnë ia mbyllin, ia rregullojnë defektin, se ia kanë lënë hap, se ia kanë mbyll…

Gazetarja: Tani ankesa ishte për ujin, erdhën specialistët e verifikuan. Ishte fakt, që ishte mbyllur. Tani mos më thuaj zonjë, që e ka mbyllur UKT-ja.

Gazetarja: Jo, jo, se po ta ketë mbyllur UKT, nuk vjen ta rilidhi prapë! Kjo 1, se kush e ka mbyllur, unë nuk e di. Unë jam duke të thënë, në momentin, që këtu ka ardhur task-forca, ti si qytetare në momentin, që kati i dytë të mbushet me ujë, merr direkt shërbimin, që të vijë këtu. Bëj video, në qoftë se s’të vjen!

Gazetarja: Po jo ama, nuk ke kompetencë, që mua si qytetare, qoftë edhe e sëmurë mendore, qoftë edhe e sëmurë mendore, të më presësh ujin, se është burim jetik! Kaq!

Gazetarja: Në rregull? Je në rregull me Odetën?

Qytetarja: Jam shumë në rregull!

Pas një komunikimi me drejtorin e UKT-së Elton Kacidhja, ky i fundit nis menjëherë grupin e punës inxhinier, drejtor shitjesh, task-forcë dhe hidraulik, për t’i riparuar zonjës problemin. Ata pohojnë, se uji është prerë nga komshinjtë, ndaj dhe lenë një procesverbal.

Elton Kacidhja: Odeta, si je? Si të kam? Ça bën ti?

Gazetarja: E di që je pushim…

Elton Kacidhja: Pa merak, pa merak, pa merak…! Më thuaj!

Gazetarja: Thjesht dua të më ndihmosh me diçka sepse është diçka urgjente. Dhe bëhet fjalë për një 79-vjeçare, Eftali Qosja. E cila banon në katin e dytë të një pallati, ka konflikt me fqinjët e vetë. I mbyll ujin e pijshëm. Ka një muaj e gjysmë pa ujë, domethënë është problem i mbartur Elton.

Elton Kacidhja: Po si të kontaktojmë ne me nënën? Keni ndonjë numër kontakti? Ka dikush, që kujdeset për të?

Gazetarja: Jam unë, jam unë këtu tek nëna. Ja jap unë lokacionin të gjitha.

Elton Kacidhja: M’i ço një çikë mua! Ma ço lokacionin, nëse ka mundësi, një foto librezës së nënës!/ tvklan