web counter
LEXO PA REKLAMA!

SHKARKO APP

App Store
Google Play

E fundit!

x

“Hajde mbush një bidon”, ia mbath me të katra çifti që reklamonte vajin e përzier të ullirit si ekstra të virgjër

24 Shkurt 2025, 22:31, Denoncim CNA

“Hajde mbush një bidon”, ia mbath me të katra çifti

Edison dhe Vojsava Beshiri janë nga Dimali i Beratit. Sipas informacioneve, bashkëshortët kanë dy vjet që banojnë në Shkodër ku shesin vaj ulliri. Ata e reklamojnë vajin si ekstra të virgjër, por denoncuesit thonë se vaji është përzierje. Madje, kur emisioni “Stop” në Tv Klan transmetoi një rast mashtrimi me vajin e ullirit në Kuçovë, Edisoni fshehu pajisjet e përzierjes duke e zhvendosur këtë proces në shtëpinë e prindërve në Dimal.

Në Shkodër ata shesin në një ambient pranë tregut rus, të paregjistruar. Madje, nuk kanë as certifikatë për vajin ekstra të virgjër. “Stop” provoi të blejë vaj dhe bashkëshortët Beshiri ofruan siguri për cilësinë e produktit.

 

Stop: Si je?

Vojsava Beshiri: Mirë! Si je?

Stop: Me sa e ke?

Vojsava Beshiri: Je ai, që folëm në telefon?

Stop: E! Me sa e ke kilen, ti?

Vojsava Beshiri: Tetë mijë lekë.

Edison Beshiri: Sa litra? Ke bidona 12, 30, 10 , 8, 5.

Stop: Po mora bidon 30 litra, sa ma lë ti mua?

Edison Beshiri: Nga 246, do ta lë 230.

Stop: Sa i bie për litër?

Edison Beshiri: 750! Ti, ke bidon të madh?

Stop: Ky është ai i virgjëri? Po 2l ke? Të marr dy copë?

Edison Beshiri: Merr dy copë nga këto, pastaj merr, kur të duash!

Stop: Ma vër në një qese! Ta provojë njëherë ai kuzhinieri im dhe po të dua, vij të marr më shumë. Do të të bëj telefon.

Më pas vaji u dërgua për analiza dhe rezultoi se nuk ishte as vaj ekstra i virgjër, as i virgjër, por mund të ketë përmbajtje të tjera vajrash vegjetalë ose nga bërsitë e ullirit. Këtë e shpjegon Hajri Ismailaj, ekspert për ullirin.

Hajri Ismailaj, ekspert për ullirin: Nuk i ndiej erën unë këtij.

Stop: Çfarë ere?

Hajri Ismailaj, ekspert për ullirin: Erën tipike të frutit, të ullirit. Vaji ekstra i virgjër dueht rë ruajë ngjyrën dhe aromën tipike të vajit të ullirit. Analiza e ngjyrës, shijes dhe aromës janë analiza  komerciale, s’ke nevojë të shkosh në laborator.

Eksperti shpjegon se vaji  klasifikohet sipas vlerave që ata paraqesin dhe ka një kategorizim të veçantë. Eksperti vlerësoi edhe rezultatet e analizave dhe konfirmoi që ka përzierje.

“Stop”  u rikthye edhe njëherë për të blerë sërish vaj.

Stop: Dua 30 l ekstra të virgjër, sic mora herën e kaluar! Sa lekë vete? Por një gjë, nuk do më ndryshosh cilësinë.Do e marr, ngaqë më the, e kam ekstra të virgjër.

Edison Beshiri: Shiko, bidoni bën 246 mijë lekë, unë ty po ta lë 230. Ta sjell aty tani?

Stop: Tani, të sjell shoferin.Ku e ke bidonin?

Edison Beshiri: Të vijë nusja ta mbushë!

Stop: Ku e mbush? Këtu?

Edison Beshiri: Këtu, kam një depo të vogël. Sava, hajde mbush një bidon 30!

Stop: Ke punë, ke?

Edison Beshiri: Kam! Ne punojmë. Shiko, po punove pastër, punë ke.

Stop: Depon e ke të madhe apo të vogël?

Edison Beshiri: Të vogël. Marr 1 ton, mbaroj atë, shkoj prapë.

(Agjenti merr në telefon shitësin dhe del bashkëshortja).

Stop: Po si më la vetëm, nuk jeni seriozë fare, nuk e marr vesh!


Me urdhër të drejtueses së prokurorisë së Beratit, Edina Kurti, u kryen kontrolle njëkohësisht në Dimal dhe në Shkodër, ku bashkëshortët kryenin prej disa kohësh shitjen e produktit. U sekuestruan 300 litra vaj me përzierje lëndësh të panjohura dhe të dëmshme dhe automjeti me të cilin shitej vaji. Policia shpalli në kërkim bashkëshortët Edison dhe Vojsava Beshiri dhe nisi një procedim penal për pronaren e objektit ku kryhej veprimtaria.

Materialet procedurale iu referuan Prokurorisë së Beratit për akuzat  “Fshehja e të ardhurave”, “Mashtrimi me produktet ushqimore”, “Mospagim i taksave dhe tatimeve”, “Moslëshimi i kuponit tatimor” dhe “Ushtrimi i aktivitetit të palicencuar ose i paregjistruar në organet tatimore”. Avokati Arben Llangozi thotë se ky ishte një aksion shumë i madh që u shërben konsumatorëve./ STOP





Lajmet e fundit nga