Blerjet online/ Autogoli i Ajola Xoxës dhe reagimi kontradiktor për shumat e shpenzuara

23 Shkurt 2025, 13:12, Denoncim CNA

Blerjet online/ Autogoli i Ajola Xoxës dhe reagimi kontradiktor për

Ajola Xoxa para disa ditësh në një reagim të saj në rrjetet sociale tha se ka bërë blerje në shumën 75 mijë €, blerje online në 10 vite.

“E marrë peng me dhunë në këtë valle shpatash e thikash mediatike dhe e konfirmuar si peng nga një trupë paragjykuesish, kam qenë e detyruar ta nis me vonesë punën për evidentimin e shifrave reale të financave që kanë të bëjnë me mua në atë akt-akuzë të mbushur me të pavërteta.

Tani jam gati që nga sot dhe në ditët në vijim, të sqaroj me detaje të imta, narrative dhe financiare, dhe me përgjegjësi të plotë publike apo ligjore, të gjithë këtë bllof të dhunshëm, të cilin do ta përball deri në Gjykatën e Strasburgut me pafajësinë time të plotë.

E para pjesë e të pavërtetës së madhe, që dua ta çmontoj dhe ta flak nga vetja si një thes, që ma kanë hedhur në kokë për të më shëtitur nëpër rrugë, duke nxitur linçimin tim me pështyma dhe gurë, është natyrisht ajo më skandalozja: 800 mijë euro online fustanë dhe bizhu.

Në seancën e të martës, datë 11 shkurt, në GJKKO, unë deklarova se shifra ishte lebetitëse dhe fundekrye e pavërtetë. Pastaj, që prej të mërkurës, ekspertët kontabël kanë kaluar në një sitë shumë të imët çdo llogari timen bankare dhe kanë nxjerrë nda deklaratat e llogarive bankare çdo blerje online të 10 viteve të fundit (1.1.2015 – 1.1.2025).

Totali i blerjeve të mija online që përfshijnë veshje, produkte kozmetike dhe parafarmaceutike, aksesorë, etj. (duke mos përfshirë libra, tarifa dixhitale, abonime), është për 10 vite: 75’025 Euro në total (1.1.2015 – 1.1.2025)”, shkruan Ajola Xoxa.

Po e marrim të mirëqenë deklarimin e Ajoles, që ajo vetë ka blerë vetëm 75 mijë euro online etj.

Blerjet online/ Autogoli i Ajola Xoxës dhe reagimi kontradiktor për

Ndërkohë në vendimin gjyqësor të firmosur nga gjyqtari Erjon Bani evidentohen se totali i shpenzive të Ajola Xoxës, nënës të saj Valbona Xoxa dhe bashkepunëtorëve të tjerë të jetë diku tek 869 mijë euro në total.

Nga këto 869 mijë euro, në vendim thuhet se gati 650 mijë euro blerje afërsisht i ka bërë Erald Ismaili (për llogari të Ajolës) dhe gati 200 mijë euro i kanë bërë Ajola Xoxa dhe e ëma e saj Valbona Xoxa. Nga ku Ajola vetë, sipas vendimit të gjykatës del se ka blerë e vetme rreth 28 mijë euro veshje etj si pjesë e shumës 869 mijë euro.

Sipas vendimit të gjykatës, prokurorët Ajolës si emër i evidentojnë 28 mijë euro të shpenzuara (pjesë e shumës 869 mijë euro), ndërkohë Ajola Xoxa ka thënë se ka shpenzuar 75 mijë euro. Pra vetë Ajola thekson se ka shpënzuar 47 mijë euro më shumë sesa vlera që kanë zbuluar prokurorët pas dokumentave të dorëzuara nga dogana shqiptare.

Nuk kemi të bëjmë më me 28 mijë euro blerje në emër të Ajola Xoxës siç thonë prokurorët, sepse ajo thotë se unë kam shpenzuar gati 47 mijë euro më shumë se ç’më kanë gjetur prokurorët dhe këtë e thekson tek postimi i datës 17 shkurt në Facebook.

Në vendimin e gjykatës thuhet 869 mijë euro, ndërkohë prokurorët duhet të gjejnë edhe 47 mijë euroshin e mbetur deklaruar nga Ajola, pasi kjo është një shumë që del tepër sipas deklarimeve të saj, ndërsa lidhjet e Ajola Xoxës me familjarët, të afërmit, punonjësit, OJF-të, merimangën që ka ngritur për blerjet dhe përfitimet, janë diçka krejt tjetër.

Blerjet online/ Autogoli i Ajola Xoxës dhe reagimi kontradiktor për

Ajola Xoxa thotë kam shpenzuar 75 mijë euro vetë, prokurorët kanë gjetur blerje prej saj 28 mijë euro, në totalin e 869 mijë euro, në këtë vlerë mungojnë dhe 47 mijë eurot e tjera të diferencës që deklaron vetë Ajola. Pra kemi të bëjmë më një vlerë totale prej 869 mijë euro plus 47 mijë më tepër deklaruar nga Ajola, shuma totale shkon 916 mijë euro./ CNA