web counter
LEXO PA REKLAMA!

SHKARKO APP

App Store
Google Play

E fundit!

x

Furgoni i bie makinës dhe e merr zvarrë, gazetarja zgjidh situatën me karrotrec

25 Shkurt 2026, 21:59, Denoncim CNA

Furgoni i bie makinës dhe e merr zvarrë, gazetarja zgjidh

Në emisionin e sotëm trajtojmë ankesën e Eduart Sharkës nga Lushnja, i cili tregoi, se më 8 shkurt 2026, rreth orës 22:30, automjeti i tij u përplas nga një furgon, që drejtohej nga Artan Pepa.

Sipas tij, pas aksidentit palët ranë dakord ta zgjidhnin çështjen me mirëkuptim, pa përfshirë policinë, pasi drejtuesi i furgonit premtoi, se do t’i rregullonte dëmet. Megjithatë, edhe pas dy javësh, makina nuk ishte rregulluar dhe komunikimi mes tyre kishte ngecur.

“Më njoftoi një shok që e kishte parë. Vij këtu tek lokali, më tha ka lënë numër. E marr personin, jo do vij tani e jo do vij pastaj dhe nuk po më zgjidh hall. Për këtë arsye nuk e kam denoncuar, sepse thashë njerëz jemi, nesër mund ta mbaj edhe unë atë veprim. Djali në fjalë nuk po më zgjidhte punë, por vetëm më gënjente. Nuk po më jep zgjidhje. Me një mekanik që kam folur, dënimi i makinës shkon në 2 milionë e gjysmë (lekë të vjetra)”, thotë denoncuesi.

Për këtë arsye, Eduarti e kallëzoi rastin në Komisariatin e Policisë në Lushnje, duke paraqitur edhe një deklaratë, se do të tërhiqej nga ankesa, nëse arrihej një marrëveshje. Rasti u referua më tej në Drejtorinë Rajonale Fier dhe në Prokurori.

“E kam marrë dy-tre herë më ka gënjyer dhe më pas unë u detyrova që të shkoja te policia. Erdhën thjesht morën fotot e gjërat dhe më thanë që fol me atë djalin përsëri, sepse ka kaluar afati”, shtoi denoncuesja.

Pas ndërhyrjes së gazetarëve të “Stop”, u arrit komunikimi me Artan Pepën, i cili shprehu pakënaqësitë e tij për situatën, por në fund palët ranë dakord për zgjidhje.

Automjeti i dëmtuar u mor me karrotrec, për t’u riparuar dhe ankuesi u tërhoq nga kallëzimi, duke e mbyllur çështjen me marrëveshje./ Tv Klan 

 





Lajmet e fundit nga