web counter
LEXO PA REKLAMA!

SHKARKO APP

App Store
Google Play

Me tumor në zorrë, mashtruesja i merr familjarëve 37 mijë euro për kurim jashtë

9 Shkurt 2026, 21:00, Denoncim CNA

Me tumor në zorrë, mashtruesja i merr familjarëve 37 mijë

Javën e kaluar emisioni “Stop” në Tv Klan transmetoi një rast mashtrimi nga ana e shtetases Odeta Hoxha. Kjo e fundit kishte përfituar mbi 35 mijë euro nga familjarët e së ndjerës Qerime Bogdani, e cila vuante nga një tumor në zorrën e trashë.

Denoncuesit, Gentian Bogdani dhe Erjola Bogdani, treguan se Hoxha u kishte premtuar lidhje me Ministrinë e Shëndetësisë për kurimin jashtë vendit, duke përdorur emrat e ish-ministres Albana Koçiu dhe ministres aktuale të shëndetësisë Evis Sala.

Në komunikimet me familjarët, që nisën që në vitin 2023, Odeta Hoxha ka falsifikuar dhjetëra dokumente dhe ka garantuar për përfitimin e një fondi mbi 100 milionë lekë. Familjarët gjithmonë kanë besuar, se po komunikonin direkt me titullaret e ministrisë.

Në bisedat, që “Stop” transmetoi Hoxha komunikonte në emër të ministreve, duke vazhduar të mashtronte familjarët e të ndjerës. Kur gazetari u përball me gazetaren e “Stop” kjo e fundit u shpreh e vetëdijshme për veprën penale, duke premtuar kthimin e lekëve në pak ditë.

E në fakt Gentian dhe Erjola Bogdani kontaktuan për të thënë, se i morën paratë. Nga ana tjetër, mësohet se Odeta Hoxha po procedohet penalisht për mashtrim, ndërsa Ministria e Shëndetësisë, doli në një deklaratë distancuese nga ky rast. Ministria pohoi, se kontaktet e përdoruara nuk i përkasin zyrtarëve të ministrisë dhe se nuk ekziston asnjë komunikim me Odeta Hoxhën./ Tv klan





13:41 Denoncim

Mjerë spitalet tona!

CNA ka kryer vëzhgim në urgjencën e QSUT-së, ku ajo që ësh...

Lajmet e fundit nga