LEXO PA REKLAMA!

SHKARKO APP

Fitoi të drejtën e pronës deri në Gjykatën e Lartë/ Kadastra nuk ia njeh

6 Dhjetor 2022, 23:00, Denoncim CNA

Fitoi të drejtën e pronës deri në Gjykatën e

Zamir Bashli denoncoi në "Stop" problemet me një pronë të blerë në vitin 1996 me dokumente të rregullta pranë noteres. Bëhet fjalë për rreth 1000 m2 truall dhe disa godina të ish-pularisë në fshatin Boks të Shkodrës.

“Deri në 2001 e gëzova si pronë pa asnjë lloj problemi, pa asnjë detyrim ndaj shtetit, apo individi tjetër”, tha ai.

Në vitin 2001, Hipoteka e Shkodrës regjistroi mbi truallin e qytetarit edhe disa qytetarë të tjerë, sikur këta të fundit e kishin përfituar me ligjin 7501.

“Kanë arritur me falsifikim dokumentesh të japin me 7501 tokë bujqësore në truallin që shikoni vetë”, tha ai.

Pas 7 vitesh gjyq, Zamiri e fitoi të drejtën e tij, por sërish u gjet një kleçkë për ta penguar ta gëzojë pronën.

KLSH nxori një kufizim mbi këtë pronë, me pretendimin, se në origjinën e tij mungon një dokument.

“Në vitin 2018 më vjen një urdhër nga KLSH më thonë të kanë kufizuar pronën. Dokumentet mund të verifikojnë që e kam blerë ligjërisht pronën. Ato ishin vetëm për të bërë presion për të dhënë ryshfet. Armiku në atë kohë ishin drejtuesit e Hipotekës të cilët nuk kishin rast e orë për të nxjerrë justifikime vetëm e vetëm për të marrë ryshfet. Një nga ordinerët që e njohin të gjithë ishte drejtues, pastaj u bë nëndrejtor, pastaj prapë drejtor. Një ndër më të korruptuarit. Delja e zezë që mund të njihet si drejtues në rrethin e Shkodrës për masakrat në breg të detit në daç me qytetarët është i vetmi ky. Interesi i tij është vetëm se është mësuar të marrë ryshfet”, tha denoncuesi.

KLSH tha për “Stop”, se kufizimi i këtij institucioni ka fuqi vetëm 30 ditë. Heqjen e kufizimit e ka në juridiksion Kadastra. Por Kadastra Shkodër nuk e hoqi këtë kufizim. Në verën e 2021-shit, drejtuesi i Hipotekës Shkodër, Flladi Dano, premtoi ngritjen e një grupi pune për zgjidhjen e rastit.

Zamir Bashli paraqiti gjithë dokumentacionin në Drejtorinë e Përgjithshme të Kadastrës në Tiranë. Pas tre muajsh, grupi i punës deklaroi se prona e Bashlit ka mbivendosje, kur në fakt kartelat e pasurisë janë në emër të tij.

Për ta zvarritur problemin, grupi i punës ky grup ka marrë vendim, që këtë çështje ta çojë për hetim administrativ në Ministrinë e Drejtësisë. Por as Ministria e Drejtësisë nuk ka kompetencë të interpretojë vendimin e Gjykatës së Lartë.

“Qysh kur më kanë filluar problemet juridike me hipotekën e Shkodrës më janë refuzuar të gjitha. Mua më kanë penguar për çdo zhvillim të aktiviteti. Më kanë sjellë një dëm ekonomik, moral, përveç asaj edhe streset familjare janë të pafundme”, u shpreh denoncuesi. /tvklan.al

Lajmet e fundit nga