web counter
LEXO PA REKLAMA!

SHKARKO APP

App Store
Google Play

E fundit!

x

Droga në shkolla, Policia i përgjigjet CNA-së/ Masat e marra dhe fushatat sensibilizuese për nxënësit

2 Dhjetor 2024, 20:26, Denoncim CNA

Droga në shkolla, Policia i përgjigjet CNA-së/ Masat e marra dhe

Droga në shkolla është një problem gjithnjë e më i pranishëm, që ka shqetësuar autoritetet, shkollat, prindërit dhe shoqërinë. Ndikimi i përdorimit të substancave narkotike te të rinjtë shqiptarë është një fenomen që ka marrë vëmendjen e publikut dhe ka përforcuar nevojën për masa parandaluese.

Nisur nga kjo situatë, CNA i ka dërguar letër institucioneve kryesore në vend. Interesit të CNA-së i është përgjigjur këtë të hënë Policia e Shtetit, ndërsa në 27 Nëntor kërkesës për informacion iu përgjigj pozitivisht edhe Ministria e Arsimit.

Policia informon se sa i përket rolit të policimit në komunitet, specialistë të këtij sektori, në të 12 drejtoritë e Policisë, zhvillojnë në mënyrë periodike takime, orë mësimore dhe fushata sensibilizuese me nxënës të shkollave 9-vjeçare dhe të gjimnazeve, me tematikë kryesore luftën kundër përdorimit të drogës, duhanit dhe alkoolit, në shkolla.

Në letër, po ashtu evidentohet se krahas punës së përditshme, për parandalimin dhe goditjen e prodhimit apo shitjes së lëndëve narkotike, në shkolla, Policia e Shtetit, në vitin 2023, hartoi dhe zbatoi megaoperacionin policor të koduar “Tempulli”.

Kujtojmë se ky operacion bëri jehonë në media, pasi u goditën grupe kriminale, të cilat shpërndanin kokainë pranë shkollave.

Droga në shkolla, Policia i përgjigjet CNA-së/ Masat e marra dhe
Foto ilustruese

Policia informon për CNA-në se “gjatë periudhës 2023-shtator 2024, në kuadër të këtij operacioni janë sekuestruar 1673.3 kg Cannabis, 22.4 kg Kokainë, 11 kg Heroinë, dhjetëramijëra doza të këtyre lëndëve, doza të lëndëve Ekstazi, Letaminë, GBH, LSD, Metamfetaminë dhe Poppers, 40 736 kubikë me narkotikë, 15 264 fara Cannabisi dhe 30 armë zjarri.

Për prodhim ose shitje të lëndëve narkotike, gjatë këtij operacioni, janë nxjerrë përpara përgjegjësisë penale 1527 shtetas”.

Po ashtu gjatë periudhës 2023-2024, janë proceduar penalisht 1303 shtetas, për veprën penale “Trafikimi i lëndëve narkotike”.

Ndërkaq, CNA është në pritje të përgjigjeve nga ana e insitucioneve të tjera në vend, për të mësuar më tepër mbi masat konkrete që kanë marrë për këtë fenomen negativ që po shtrihet tek të rinjtë shqiptarë./ CNA

Droga në shkolla, Policia i përgjigjet CNA-së/ Masat e marra dhe
Përgjigja e Policisë së Shtetit




Lajmet e fundit nga