E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

U shemb pas restaurimit/ Shtëpia monument kulture, 12 vite e rrënuar

29 Nëntor 2024, 21:31, Denoncim CNA

“Stop” ka udhëtuar në Gjirokastër për një monument kulture të kategorisë së parë. Bëhet fjalë për shtëpinë e Ficove, e ndërtuar në vitin 1902 nga Rauf Fico, Ministër i Jashtëm i Shqipërisë.

Shtëpiaka stil barok, katër kate, 27dritare dhe një oborr të rrethuar me gur dhe çati me rrasa guri. Grisela Fico, një prej trashëgimtareve të fisit Fico, thotë se që nga viti 2012 dhe deri në 2024-ën, asnjë institucion nuk është kujdesur të riparojë dëmin, që iu bë shtëpisë në vitin 2012 nga një restaurim jo profesional.

“Nga kjo derë kanë dalë intelektualë me një kontribut të shquar në shoqëri. Do të përmend tim atë mjek dermatolog dhe komentator sportiv. Unë jam Grisela Fico jam një prej trashëgimtarëve të shtëpive të Ficove Gjirokastër. Jam drejtuar në emisionin “Stop” që zëri im të dëgjohet. Jam këtu për të ngritur alarmin e rrezikut të shembjes së shtëpisë së Ficove në Gjirokastër, të kësaj banesë, të kësaj, thekson muze kategoria e parë dhe jo vetëm kaq, rrëfimi i saj ka dhe histori. Është e dhimbshme të mendosh që destruksioni i një shtëpie që i ka mbijetuar shekujve vjen fill pas një restaurimi,” tha Grisela Fico.

Ekspertët në atë kohë u mjaftuan me vendosjen e disa dërrasave në mes të shtëpisë, për të shmangur shembjen komplet të saj.

“Shkallës që të çon në papafingo i pritet një ndër tratat mbajtës të shtëpisë dhe shtëpia tenton të shkojë shtrembër. Fondet mbaruan dhe pritet që mbyllet gjithçka duke vendosur disa tratë mbajtës për të moslejuar rrënimin e mëtejshëm. Sigurisht që familjarë të mi janë interesuar përgjatë gjithë kësaj kohe duke trokitur në dyer institucionesh, por që është bërë një lojë ‘pasaletrash’ që më shumë na ka çuar në pritje dhe humbje kohe. Ndoshta shumë prej atyre që na ndjekin e kanë parë një herë në jetë atë ëndrrën që tenton të bërtasësh, të nxjerrësh zërin, por nuk të del ai sikleti i madh, unë kështu jam ndjerë këto kohë dhe fal jush po ndjej sot zëri im po del, për ngritjen e këtij alarmi.”

Interesimi i “Stop” bëri të mundur që në bashkëpunim me Drejtuesin e Monumenteve të Kulturës Gjirokastër Andis Duka, shtëpia e Ficove të shkojë në vëmendjen e Drejtorisë së Përgjithshme të Monumenteve të Kulturës, e cila ka dalë me një vendim për riparimin komplet të murit të shkatërruar që në vitin 2012.

Andis Duka: Drejtoria Rajonale e Trashëgimisë Kulturore në objektin Fico, i cili është siç e përmendët dhe ju është Monument Kulture kategoria e parë, ka hartuar një projekt një restaurimi për këtë mur i cili ka një problematikë të tillë./ tvklan