E fundit!

13:13 Politikë

"Protestat arritje e madhe"/ Rama: Shqipëria e para në rajon për performancën mjedisore, e 46-ta në botë

Kryeministri Edi Rama në një postim të bërë në rrjetet soc...

Rritja e përdorimit të drogave/ MAS i përgjigjet shqetësimit të CNA-së, tregon masat e marra

27 Nëntor 2024, 09:17, Aktualitet CNA

Rritja e përdorimit të drogave/ MAS i përgjigjet shqetësimit

CNA ngriti pak ditë më parë shqetësimin e përhapjes në masë të përdorimit të drogave dhe uljen e kufirit të moshës.

CNA dërgoi edhe kërkesë për informacion në autoritetet përgjegjëse, për të dhëna që lidhen me rritjen e përdorimit të drogave. Ministria e Arsimit dhe Sporteve i është përgjigjur kërkesës për informacion.(LEXO KETU)

Në përgjigje, ministria thotë se nxënësit informohen përmes lëndëve mësimore për rrezikun që vjen nga përdorimi i lëndëve narkotike.

Në përgjigjen e dhënë për CNA, Ministria e Arsimit thotë se oficeri i sigurisë në institucionin arsimor monitoron mjedisin në mënyrë të vazhdueshme rreth situatave të dyshimta, hyrjes së personave të paautorizuar, parandalon dhe menaxhon rastet emergjente dhe të dhunës.

“Ju bëjmë me dije se edukimi për drogat në kurrikulat e arsimit parauniversitar trajtohet në lëndë të ndryshme. Kështu, në lëndën e Biologjisë, njohuritë e para për drogat nxënësit i marrin në klasën e 4-t të arsimit bazë, dhe i zhvillojnë deri në klasën e 12-të të arsimit të mesëm të lartë.

Kjo lëndë trajton ndikimin e drogave në funksionimin e sistemeve të trupit, rritjen, zhvillimin, sjelljen, incidencën e sëmundjeve jongjitëse në nivel lokal, kombëtar dhe global.

Në lëndën ‘Edukimi fizik, sportet dhe shëndeti’ trajtohen çështje të edukimit kundër drogave në përgjithësi dhe antidopingun në sporte në jetën e përditshme, efektet e tyre afatshkurtra dhe afatgjata, ndikimin e tyre në vendimmarrje, efektet e tyre në performancën sportive dhe njohja e veprimtarive dhe misioni i organizatave ndërkombëtare e kombëtare antidoping në sport.

Në lëndët Qytetari dhe Psikologji droga dhe substancat e tjera të dëmshme si alkooli, duhani etj., janë pjesë e kurrikulës së tyre dhe trajtohen në kuadrin e temës së shëndetit, të vlerës dhe të mbrojtjes së tij nga çdo individ dhe nga shoqëria në përgjithësi.

Në lëndën e Qytetarisë çështja e shëndetit trajtohet si përgjegjësi qytetare, morale dhe mbi të gjitha ligjore. Kurrikula e lëndës së Psikologjisë mundëson që nxënësit të njihen me drogat dhe ndikimin që ato kanë në psikikën e njeriut nga pikëpamja e dëmeve ndaj shëndetit”, thuhet në përgjigjen e ministrisë.

Rritja e përdorimit të drogave/ MAS i përgjigjet shqetësimit

Kjo e fundit bën me dije se për të ndërgjegjësuar fëmijët dhe adoleshentët, zhvillohen vazhdimisht aktivitete edukative në bashkëpunim me organizata joqeveritare dhe Policinë e Shtetit. Një masë e marrë, që evidentohet nga Ministria e Arsimit, është Paketa e Sigurisë në shkolla. Kjo nismë u mor rreth 1 vit më parë në bashkëpunim me Ministrinë e Brendshme.

Përdorimi i drogës në shkolla, në nivele alarmante/ CNA, letër institucioneve për masat e marra
12 Nëntor, 13:09

MAS thotë se strukturat vendore të Policisë së Shtetit ushtrojnë kontrolle sistematike dhe të vazhdueshme në mjediset e shkollave dhe perimetrin e sigurisë së tyre për të parandaluar shpërndarjen e drogës dhe për sigurinë e fëmijëve.

Po ashtu shton se në rastet kur evidentohet që nxënësi përdor drogë, bashkëpunohet me prindërit dhe me institucionet e mbrojtjes sociale, të cilat bashkëpunojnë me institucione shëndetësore dhe qendra rehabilitimi për të ofruar ndihmë psikologjike dhe mjekësore.

CNA pret përgjigje edhe nga autoritetet e tjera përgjegjëse, ku ka çuar kërkesë për informacion, në lidhje me këtë fenomen shqetësues./ CNA