web counter
LEXO PA REKLAMA!

SHKARKO APP

App Store
Google Play

Burri shkel urdhrin e mbrojtjes, rreh e pështyn gruan në sy të djalit

15 Maj 2024, 21:37, Denoncim CNA

Burri shkel urdhrin e mbrojtjes, rreh e pështyn gruan në sy të

Një tjetër dramë dhune bëhet publike në emisionin “Stop” në Tv Klan. Elda Shkurti ka qëndruar për 16 vite e martuar me Anton Shkurtin i cili e ka dhunuar sistematikisht, fizikisht dhe psikologjikisht. Nga kjo martesë çifti ka dy fëmijë, djalë e vajzë, 15 dhe 8 vjeç.

Në vitin 2022, e pamundur të duronte më, Elda largohet duke marrë me vete të voglën pasi djali nuk pranonte t’i bashkohej. Bashkëshorti, Anton Shkurti, ka shkuar në shtëpinë e vjehërrve, e ka dhunuar dhe ka marrë vajzën. Gjykata ka vendosur se duke qenë se çifti është në proces divorci, kujdestaria e fëmijëve t’i kalojë përkohësisht nënës.

Shërbimi social i thotë se djali nuk mund të merret pa miratimin e tij, ndërsa për vajzën i thonë se nuk mund të merret me dhunë. Zyra përmbarimore akuzon shërbimin social se po zvarrit çështjen.

Që prej vitit 2022 e deri në 2023-in, gjykata e ka pajisur zonjën Elda Shkurti me urdhër mbrojtjeje. Por edhe gjatë kësaj kohe, bashkëshorti e ka thyer urdhrin e mbrojtjes disa herë.

“Stop” publikon pamjet e kamerave nga vendi i saj i punës, ku ai ka qenë i shoqëruar nga djali i tyre 15-vjeçar. Anton Shkurti ka thyer urdhrin që përcakton 100 metra distancë dhe fillimisht i gjuan me një send Eldës e më pas i afrohet në fytyrë duke i përshtyrë./tvklan.al





Lajmet e fundit nga