web counter
LEXO PA REKLAMA!

SHKARKO APP

App Store
Google Play

E fundit!

x

Zjarri në qendrën tregtare/ Prokuroria vihet në lëvizje

27 Dhjetor 2023, 17:42, Aktualitet CNA

Zjarri në qendrën tregtare/ Prokuroria vihet në lëvizje

Prokuroria e Fierit ka nisur hetimet për zjarrin që përfshiu qendrën tregtare në Lushnjë të hënën e 25 dhjetorit.

Për zjarrin është regjistruar procedimi penal për veprën penale “Shkatërrimi pronës me zjarr”.

Prokruroria ka ngritur një grup hetimor me ekspertë të fushave të ndryshme dhe grup oficerësh të policisë gjyqësore për të kryer hetimet dhe zbulimin e shkakut të vatrës fillestare.

“Zjarri në Qendrën tregtare ‘Metropol Center’, Prokuroria Fier regjistron procedimin penal për veprën penale “Shkatërrimi pronës me zjarr”

Prokuroria pranë Gjykatës së Shkallës së Parë Juridiksionit të Përgjithshëm Fier informon publikun se për ngjarjen e ndodhur në qendrën tregëtare “Metropol  Center”, lagjia “Çlirimi”, Lushnjë, ka regjistruar procedimin penal nr. 1846/2023, për veprën penale “Shkatërrimi i pronës me zjarr”, parashikuar nga neni 151 i Kodit Penal.

Prokurorja e gatshme ka shkuar menjëherë në vendngjarje ku dhe janë kryer veprimet e para hetimore.

Është ngritur grupi hetimor i përbërë nga ekspertë të fushave të ndryshme dhe grup oficerësh të policisë gjyqësore nën drejtimin e Prokurores. Hetimet po kryhen në bashkëpunim të plotë me shërbimet e policisë gjyqësore të Policisë së Shtetit. Me administrimin e akteve proceduriale dhe akteve të ekspertimit do të konkludohet mbi shkakun e rënies së zjarrit dhe vatrës fillestare.

Prokuroria Fier është plotësisht e angazhuar për të zbardhur shkaqet e kësaj ngjarje me pasoja të konsiderueshme për pronën, shëndetin dhe sigurinë e shtetasve”, thuhet në njoftimin e prokurorisë./ CNA





Lajmet e fundit nga