LEXO PA REKLAMA!

SHKARKO APP

“Gjykata e Lartë në shërbim të mazhorancës”/ Gjata: Po pengojnë PD-në të regjistrohet në zgjedhje

27 Dhjetor 2023, 15:40, Aktualitet CNA
“Gjykata e Lartë në shërbim të
Çlirim Gjata

Sekretari i departamentit juridik, Çlirim Gjata, ka folur lidhur me prishjen e vendimit të Apelit nga Gjykata e Lartë.

Ai e shikon atë si një pengesë nga mazhoranca për të lënë jashtë Partinë Demokratike në zgjedhjet parlamentare të vitit 2025.

Gjata thotë se legjitimimi i Enkelejd Alibeajt si palë e tretë është shkelje ligjore.

“S’mund ta pranosh siç pranohet në Apel, nuk e parashikon procedura, përkundrazi e ka shfuqizuar këtë procedurë Parlamenti 22 vite më parë. Si mund të pranohet një gjë e tillë? Sepse u teket disa gjyqtarëve në Apel që duhet të zbatojnë urdhrat e Edi Ramës, të mos lënë opozitës që të regjistrohet për zgjedhje. Kjo është politikë pastaj, nuk është jurisprudencë. Ç’nevojë ka për gjykatë, lëreni Edi Ramën të vendosë ai për këto.

Nuk mund të bëjë ankim apo vërtetim fakti që një person i cili nuk është palë në gjyq, nuk ka emrin në vendim gjykate. Nëse gjykata e legjitimon personin e tretë ka shkelur ligjin njësoj si Gykata e Apelit. Pse e ktheu për rigjykim? Për ta vonuar edhe një vit tjetër. Sa të mbarojë Apelin, sa të shkojë në Shkallë të Parë të gjyqit ne prapë s’kemi mundësi të hymë në 2025-ën. Në këtë rast Gjykata e Lartë është nën shërbimin e mazhorancës”, tha ai./ CNA

Lajmet e fundit nga