web counter
LEXO PA REKLAMA!

SHKARKO APP

App Store
Google Play

E fundit!

x

Zbulohet pazari i Sokol Sadushit me Mero Bazen dhe Rilindjen

11 Prill 2026, 14:36, Aktualitet CNA

Zbulohet pazari i Sokol Sadushit me Mero Bazen dhe Rilindjen

Prej disa javësh, Sokol Sadushi, kreu i Gjykatës së Lartë, është kthyer në vëmendje të opinionit publik. Ai, me një vendim të ndërmjetëm, ndërhyri në “mënyrë të dhunshme” ndaj kolegjit penal të Gjykatës së Lartë.

Më pas thirri Kolegjet e Bashkuara për të kryer veprime në lidhje me procedurat e mbajtjes në arrest me burg, të cilat, në fakt, janë të gjitha të parashikuara në ligj, në Kushtetutë, rastet kur një i ndaluar duhet të qëndrojë në burg për shkak të rrezikshmërisë, argumentet që kërkohen nga prokurorët, nga avokatët dhe në fund është gjykata që vendos.

Sokol Sadushi duket se ka një qëllim. Dhe sipas të gjitha argumenteve që jepen nga mediat dhe nga politika, vendimi i ndërmjetëm i kërkuar nga Sokol Sadushi për të ndryshuar vendimin e kolegjeve të bashkuara të vitit 2011, në finale, ka qëllim lirimin nga burgu të Erion Veliajt, për t’i dhënë kryebashkiakut të Tiranës me 13 akuza një masë më të lehtë sigurie.

Pazari

CNA ka mësuar se ka një pazar midis kreut të Gjykatës së Lartë dhe njerëzve të tij pranë Partisë Socialiste apo kryeministrit Edi Rama. Sokol Sadushi njihet si një mbështetës i fortë dhe mik i ngushtë i Mero Bazes, gazetarit të familjes së Erion Veliajt.

Dikur ky i fundit ndërhynte pranë redaksisë sonë për të fshirë shkrime, investigime apo deklarime të pasurisë së Sokol Sadushit në kohën që ky i fundit ishte kreu i Magjistraturës dhe më pas u çua kryetar i Gjykatës së Lartë pa kaluar në veting, megjithëse doli nga dritarja e drejtësisë, hyri nga dera duke marrë një nga postet më të larta të drejtësisë në vend.

Burime pranë rilindasve të PS-së i thanë CNA-së se një skemë e qartë shkon deri në pazarin e postit të Presidentit të Republikës.

Mendohet se Sadushit i është premtuar që të bëjë lëvizjen për nxjerrjen e një vendimi të ndërmjetëm dhe ndryshimin e vendimit të Kolegjeve të Bashkuara të vitit 2011 dhe më pas atij mund t’i jepet karrigia e Presidentit në vitin 2027.

Skenari shkon edhe më tej.

Zotit Bajram Begaj mandati i mbaron në muajin korrik, ndërkohë që Sokol Sadushit i mbaron disa muaj më parë. Zgjidhja është mjaft e thjeshtë: merret pagesa e ndërmjetme disamujore dhe më pas Sokol Sadushi zgjidhet President i Republikës.

Ky është një premtim i dhënë nga segmente të caktuara të pushtetit, të cilat po kërkojnë me çdo kusht që të nxjerrin Erion Veliajn nga burgu dhe për këtë po përdorin edhe kreun e Gjykatës së Lartë, Sokol Sadushin, me disa veprime dhe vendime, të cilat kanë hedhur mjaft dyshime, por që asgjë nuk ka mbetur pa u zbardhur, qoftë nga strategjia e Sadushit, qoftë nga pazaret që i ofrohen kreut të Gjykatës së Lartë me poste të rëndësishme siç është edhe ai i Presidentit të Republikës./ CNA

 





Lajmet e fundit nga