web counter
LEXO PA REKLAMA!

SHKARKO APP

App Store
Google Play

Zbulimi i rezervës së naftës në Shpirag/ Rama jep detajet

23 Gusht 2023, 12:10, Aktualitet CNA

Zbulimi i rezervës së naftës në Shpirag/ Rama jep detajet

Kryeministri Edi Rama ka zbuluar më shumë detaje pas zbulimit të rezervës së naftës në Shpirag.

Në deklaratë për mediat së bashku me numrin dy të qeverisë, Belinda Balluku, është shprehur se madhësia e rezervës së naftës është e madhe dhe se ende nuk është cekur uji që ndodhet nën rezervën e naftës.

"Jemi në prag të testimit përfundimtar, i cili është i domosdoshëm për presionin e fluksit dhe gazit të naftës që mund të nxirret nga toka. Rezerva është aty në 6002 km në thellësi të tokës është prekur rezerva, pas një eksplorimi shumë të vështirë për shkak të fondacionit gjeologjik të zonës dhe një investimi masiv të bërë për shkak të thyerjes së përsëritur të sondeve si rezultat i formacionit gjeologjik. Lajmi është se ende nuk është cekur uji, i cili është nën rezervë çka prezumon se madhësia e rezervës është më e madhe. Nuk mund të flasim për shifra konkrete se mund të ishte e gabuar. Informacionet në këtë fazë janë konfidenciale. Pa marrë rezultatin e testit final që praktikisht përcakton nëse nxjerrja e kësaj pasurie është e arsyeshme nga pikëpamja financiare. Nëse financiarisht ky proces do të jetë më i kushtueshëm se përfitimi, rezerva do të mbetet aty për një kohë tjetër ku teknologjia mund të avancojë në përmasa që sot nuk janë. Kompania Shell ka përdorur teknologjinë më të fundit dhe nga aspekti i funksionimit teknik ajo që po bëhet është fjala e fundit", u shpreh kryeministri Rama.





Lajmet e fundit nga