LEXO PA REKLAMA!

SHKARKO APP

Të dhënat sheshit/ Berisha: Në krye të SHISH, njeriu që shiti të dhënat e Kosovës

23 Gusht 2023, 12:02, Aktualitet CNA
Të dhënat sheshit/ Berisha: Në krye të SHISH, njeriu që
SHISH

Ish-kryeministri Sali Berisha, gjatë fjalës së tij në tryezën e diskutimit “Pushteti i Krimit” tha se në krye të Shërbimit Informativ të Shtetit ndodhet një person i shkarkuar nga Shërbimi Informativ i Kosovës, sepse ka shitur të dhënat e Kosovës.

“Shoqëria shqiptare është në prag suicide nëse nuk çohet fuqishëm. Bota e krimit do ta gërryejë në çdo qelizë të saj. McGoingal, Dushka, janë shembuj të kësaj. Xhevahir Lika i Shkodrës, Xhevahirët janë në të gjitha institucionet, shesin dosjet, shesin informacionet. Ka sjellë Europol 300 faqe transkripte. Bota e krimit ka shtrirë kthetrat në çdo gjë. Një javë më parë nxorën të dhënat e TIMS, por kush e nxori një i dërguar i Ramës. Ku është sot? Aty ku ishte në detyrë, se Balla shkoi pikërisht për këtë mision. Po në krye të Shërbimit Informativ kush është? Një i shkarkuar nga Shërbimi Informativ i Kosovës, sepse ka shitur të dhënat e Kosovës dhe tani emërohet në krye të Shërbimit Informativ. Ai ka kryer një krim për të cilin duhet të dënohet në Kosovë. Çfarë mbetet? Mbetet qëllimi i opozitës, guximi i opozitës, përndryshe hanxharët e krimit do të bëhen çdo ditë e më të mprehtë.”

Ai u bëri thirrje qytetarëve dhe “punonjësve të ndershëm” për mobilizim.

“U bëj thirrje punonjësve të ndershëm të administratës, dhe të prokurorisë të qëndrojmë në një front të fuqishëm e të ndërpresim këtë rreth ku krimi shndërrohet në votë e vota në krim.”/ CNA

Lajmet e fundit nga