web counter
LEXO PA REKLAMA!

SHKARKO APP

App Store
Google Play

Veshje, bizhuteri dhe kasafortë parash/ Detaje nga hetimi për Ajola Xoxën

10 Shkurt 2025, 19:39, Aktualitet CNA

Veshje, bizhuteri dhe kasafortë parash/ Detaje nga hetimi për Ajola

Prokuroria e Posaçme kundër Korrupsionit dhe Krimit të Organizuar nëpërmjet një njoftimi për shtyp ka zbardhur detaje të reja nga hetimi pasuror për Ajola Xoxën.

Sipas informacionit, bashkëshortes së kryetarit të Bashkisë së Tiranës Erion Veliaj, nga hetimet i janë gjendur shuma të mëdha parash në kasafortë, që kapin shifrat të majme.

Gjithashtu, nga hetimet janë zbuluar shuma të mëdha të shpenzuara ne blerje online për veshje e bizhuteri, shpenzime të cilat nuk rezultojnë të deklaruara.

Nga njoftimi i fundit i bërë për këtë çështje, Xoxës i është caktuar masa e sigurisë “arrest shtëpie”, si e dyshuar për kryerjen e disa veprave penale.

“Përveç sa është përshkruar më lart, Prokuroria e Posaçme kundër Korrupsionit dhe Krimit të Organizuar ka siguruar prova të mjaftueshme për të konkluduar se shtetësja A. X., vetë ose nëpërmjet personave të tjerë të afërt me të, për një periudhë kohore prej rreth 4 vitesh, ka bërë blerje online të cilat konsistojnë në veshje, bizhuteri etj, në masën 86,721,175 lekë. Këto shpenzime nuk rezultojnë të jenë deklaruar në asnjë nga Deklaratat Periodike të titullarit të Bashkisë Tiranë si edhe personave të lidhur me të.

Nga ana tjetër, gjatë kontrollit të ushtruar  pranë zyrave të “P. L.” shpk, administruar nga shtetësja A. X., e cila është njëkohësisht dhe pronare e vetme, janë gjetur në një kasafortë dhe sekuestruar në cilësinë e provës materiale një sasi të hollash, prej 95,350 Euro (shumica prej tyre prerje 500 euro), 14,900 USD dhe 665,000 Lekë", - thuhet në njoftimin e SPAK./CNA 





Lajmet e fundit nga