web counter
LEXO PA REKLAMA!

SHKARKO APP

App Store
Google Play

Vota e diasporës/ KQZ: Regjistrimi kryhet në platformën elektronike, nuk bëhet në terren

9 Shkurt 2025, 10:29, Aktualitet CNA

Vota e diasporës/ KQZ: Regjistrimi kryhet në platformën

Komisioni Qendror i zgjedhjeve në Shqipëri ka bërë një njoftim në lidhje me votën e diasporës.

KQZ deklaron se regjistrimi i votuesve nga jashtë kryhet vetëm nëpërmjet Platformës Elektronike të Regjistrimit (PER).

Kjo faqe mund të aksesohet në www.kqz.gov.al ose përmes aplikacionit zyrtar të KQZ për telefona smart.

KQZ thekson se nuk ofron regjistrim në terren, ndaj i kërkon qytetarëve të denoncojnë çdo person që prezantohet si përfaqësues i KQZ-së jashtë institucionit.

“KQZ Nuk Ofron Regjistrim në Terren

Regjistrimi i votuesve nga jashtë kryhet vetëm nëpërmjet Platformës Elektronike të Regjistrimit (PER), e cila mund të aksesohet në www.kqz.gov.al ose përmes aplikacionit zyrtar të KQZ për telefona smart.

Komisioni Qendror i Zgjedhjeve (KQZ) nuk ka ofruar dhe nuk ofron asnjë lloj ndihme apo mbështetje për regjistrimin në terren. E vetmja ndihmë dhe mbështetje për çdo votues nga jashtë ofrohet ekskluzivisht nga Qendra e Ndihmës pranë KQZ dhe vetëm përmes:

Thirrjeve telefonike

Mesazheve në WhatsApp

Chatbot-it

Email-it zyrtar të KQZ

KQZ nuk ka autorizuar asnjë person tjetër që, në emër dhe për llogari të institucionit, të angazhohet në procesin e regjistrimit të votuesve nga jashtë.

Kushdo që konstaton persona që prezantohen si përfaqësues të KQZ në ambiente të tjera, jashtë institucionit, duhet ta denoncojë menjëherë rastin pranë organit të prokurorisë.

Përtej kësaj, KQZ siguron të gjithë votuesit nga jashtë se procesi i regjistrimit është në përputhje me të gjitha standardet e sigurisë të vendeve të Bashkimit Europian, i mbrojtur nga çdo interes, ndikim politik apo partiak.

KQZ nuk ka autorizuar askënd tjetër që në emër dhe për llogari të këtij institutioni të angazhohet në procesin e regjistrimit të votuesve nga jashtë, as për brenda vendit dhe më shumë akoma as për jashtë vendit”, nënvizohet në njoftim./ CNA





Lajmet e fundit nga