Leka Bungo duhet të dorëhiqet!

10 Shkurt 2025, 12:42, Aktualitet CNA

Kryetari i Këshillit Drejtues të RTSH-së, Leka Bungo, është përfshirë në një sërë skandalesh.

Bungo është kapur në shkelje flagrante duke shkelur ligjin, statutin e RTSH-së, ligjin për papajtueshmërinë dhe konfliktin e interesit.

CNA ka publikuar dokumente dhe fakte që tregojnë qartazi shkeljet që ka kryer Leka Bungo.

U publikua dokumenti që tregon se Bungo ka marrë fonde nga RTSH-ja dhe ka shkelur ligjin.

Arsyet pse Leka Bungo duhet të japë dorëheqjen?

1-Leka Bungo merr para

Dokumenti që tregon se Leka Bungo ka marrë fondet e institucionit në rolin e skenaristit për një emision televiziv, të titulluar “Gëzuar”. CNA ka publikuar kontratën mes Leka Bungos dhe Alfred Pezës, e cila tregon haptazi abuzimin që ka kryer kryetari i Këshillit Drejtues të RTSH-së.

Leka Bungo duhet të dorëhiqet!

2-Leka Bungo ka shkelur statutin e RTSH-së

Në statut thuhet qartazi se kryetari i Këshillit Drejtues të RTSH-së dhe anëtarët nuk mund të marrin fonde nga institucioni.

3-Leka Bungo shkel ligjin

Leka Bungo ka shkelur ligjin për Papajtueshmëritë dhe konflikti i interesave të anëtarëve të KDRTSH-së.

Pika "b" e nenit 97 thotë: Anëtarë të KDRTSH-së nuk mund të jenë individët që:

-janë persona të lidhur, sipas përcaktimeve të ligjit nr. 9367, datë 7.4.2005 "Për parandalimin e konfliktit të interesave në ushtrimin e funksioneve publike" ose që kanë në pronësi pjesë kapitali apo aksione të shoqërive tregtare, si dhe të drejta të tjera në fushën e transmetimeve audiovizive, reklames, prodhimeve të përmbajtjes së transmetimeve audiovizive, rrjeteve të komunikimit elektronik apo persona të punësuar gjatë vitit të fundit, anëtarë të organeve drejtuese apo këshilluese të këtyre subjekteve apo të lidhur me ndonjë licencë me këto subjekte.

Si rrjedhojë pika “ç” e nenit 100 përcakton se lirimi nga detyra bëhet nëse vërtetohet se kryetari i Këshillit Drejtues të RTSH-së ka shkelur detyrimet e nenit 97 të këtij ligji.

Leka Bungo duhet të dorëhiqet!

4-Leka Bungo ka mashtruar Kuvendin

CNA ka publikuar videon, e cila është bërë më 13 nëntor të vitit 2024, ku Leka Bungo flet para Komisionit të Medias në parlament.

Leka Bungo gënjen, mashtron nën betim komisionin. Ky njeri që flet se si i ka hequr drejtorët mashtron komisionin dhe është video-fakt sepse 11 muaj para se të fliste në këtë komision Leka Bungo ka firmosur dokumentin e mësipërm që ne e kemi treguar me Alfred Pezën, ka marrë 4 milionë lekë. Ndërkohë që thotë në parlament se kam 2 vjet e gjysmë që nuk kam bërë asnjë punë.

5-Leka Bungo ka falsifikuar firmën

Në datën 6 janar është zhvilluar mbledhja e Këshillit Drejtues të Radio Televizionit Publik Shqiptar me disa pika në rendin e ditës, njëra prej të cilave ishte hapja e garës për drejtorin e Përgjithshëm të institucionit pas vakancës së krijuar me dorëheqjen e Alfred Pezës.

CNA, menjëherë pas mbledhjes së datës 6 janar, siguroi dokumente në rrugë zyrtare.

Bungo është larguar nga mbledhja, ka edhe audio të regjistruar që është mërzitur, ka pasur edhe konflikt me anëtarët e Këshillit Drejtues, të cilët kanë votuar dhe kanë çelur garën me shumicë votash, Leka Bungo ka ikur dhe normalisht nuk kishte se çfarë të firmoste, por rezulton që tashmë e ka firmosur dokumentin e çeljes së garës megjithëse nuk ka qenë prezent dhe kundër.

I njëjti dokument është publikuar një herë i pafirmosur nga Bungo, një herë i firmosur nga ai dhe një herë tjetër shkruhet mungon.

Leka Bungo duhet të dorëhiqet!