“Veliaj ka qenë 'live' kur u arrestua”/ Fevziu i përgjigjet Ramës: Ky është reagimi i fundit, të pres në studio

13 Janar 2026, 12:19, Aktualitet CNA

“Veliaj ka qenë 'live' kur u arrestua”/ Fevziu i

Gazetari Blendi Fevziu i është përgjigjur reagimit të fundit të kryeministrit Edi Rama përmes një postimi në rrjetet sociale. Në nisje të reagimit, Fevziu njofton se ky është postimi i tij i fundit për këtë çështje. Ai thotë se kreu i qeverisë nëse ka diçka për të replikuar mund të vijë në studio.

Fevziu në reagimin e tij ka sjellë në vëmendje rastin e kryebashkiakut Erion Veliaj, i cili ishte “live” në momentin që u arrestua. Këtë praktikë, sipas gazetarit, e kanë kryer edhe ministre të tjera.

Reagimi i plotë:

Kryeministri i Shqipërisë paska vazhduar diskutimin për problemin e PR të Ministrave të tij. E para po them që ky është postimi i fundit për këtë gjë, sepse mendoj që nëse ka ndonjë gjë për të diskutuar, Kryeministri mund të vijë kur të dojë në studio. Për këtë gjë, për çështjen e AKSHI, Ballukut, akuzat e Ahmetajt dhe shumë të tjera. Këto janë probleme reale për të cilat Kryeministri duhet të japë llogari. Nga debati i të enjtes ka kapur një detaj. Po, Ministra dhe drejtues të lartë lokale të PS, kanë qenë në: Tokio, SHBA dhe Francë njëri prej tyre, ndërkohë që dilte live. Veliaj po ashtu ka qenë “Live” kur u arrestua. Dhe kjo do të t’i mjaftonte. Një tjetër ministre ka qenë në Vjenë. Londër e Abu Dabi kur transmetonte kronikat, ajo e Vjenës, të shtunën mbasdite. Madje një kronikë transmetohej ndërkohë që ishte në avion bashkë me Kryeministrin për vizitë pune. Një tjetër Ministre ka qenë në Bari po gjatë kohës që ishte live. Kjo s’ka rëndësi, ata mund të mos ishin jashtë, por mund të ishin në zyrë apo në shtëpi, ndërkohë që kjo ndodhte. Problemi nuk është ku ishin, por tek fakti, që Ministrat shqiptarë prej vitesh kanë gjetur një stil skandaloz, unik në botë, veç Kim Jong Unit të Koresë. Bëjnë muhabet me drejtorët para kamerave, në shëtitje politike, pa dhënë llogari për problemet. Shfaqen në inaugurime, por kyçin gojën kur ka akuza. Nuk kanë kurajo t’i përgjigjen shtypit, por kanë kënaqësinë t’i vendosin epitete vetë Kryeministrit. Nëse Kryeministri gjen një rast të dytë në Europë, që Ministrat bëjnë muhabet në TV me drejtorët, atëherë ka të drejtë. Por kjo është MADE IN ALBANIA! Për turp! Nuk ka asnjë përgjigje tjetër derisa Kryeministri të ketë kurajo të vijë në studio. Me panelin që e di vetë…

View this post on Instagram

A post shared by Blendi Fevziu (@blendifevziu)