"Janë shkaktuar dëme të mëdha nga përmbytjet"/ Baçi: Verifikimet për kompensim, në bazë të partisë që mbështet qytetari

13 Janar 2026, 10:53, Aktualitet CNA

Pamjet e postuara nga Luan Baçi

Deputeti i PD-së, Luan Baçi, ka reaguar për situatën e përmbytjeve në Fier. Baçi shprehet se përmbytjet kanë shkaktuar dëme të mëdha në toka me të mbjella, në bagëti të imëta dhe në banesat e qytetarëve. Baçi shton më tej se fshatra të tërë janë përmbytur në dalje nga shtrati i lumit Vjosë dhe Seman.

Deputeti akuzon qeverinë se nuk po shpall gjendjen e fatkeqësisë natyrore dhe të dëmshpërblejë qytetarët e përmbytur ne Fier, Durrës, Vlorë, Shkodër dhe çdo zonë ku ka përmbytje. Sipas Baçit, vlerësimet e dëmeve po bëhen duke u nisur se cilën parti mbështet qytetari i prekur.

Postimi i plotë:

Përmbytjet në qarkun Fier kanë shkaktuar dëme në vlera të mëdha dhe shuma të konsiderueshme!

Dëme të konsiderueshme në toka me të mbjella, grurë, elb, foragjere të ndryshme për bagëtitë!

Dëme në orendi shtëpiake dhe banesa.

Dëme në bagëti të imta dhe gjedh!

Zona të tëra të përmbytura ku uji vazhdon akoma ti mbulojë dhe të shkaktojë dëme në vazhdimësi!

Lumi Vjosë, ka përmbytur Ferrasin, Çervenin, Martinën, Frakull, Kashishit, Varibob, Boçovë dhe shumë fshatra të tjera në zona të ndryshme..

Semani, pas hapjes së portave të hidrocentralit të " Banjës" nga autoritetet, ka dalë nga shtrati dhe i ka marrë radhë, nga Belina në Zharrëz, në Mbrostar, Petovë, Grecalli, Daullas, Mujalli, Ndërnenas, Asturkas dhe ka mbuluar spirfaqe të tëra me toka, të mbjella, me sera, dhe stalla bagëtish....

Qeveria e hajdutëve dhe K...M...i miliarda eurove të shumë aferave korruptive, nuk shpall gjendjen e fatkeqësise natyrore dhe me ligj ti kompesoj dhe dëmshpërblej qytetarët e përmbytur ne Fier, Durrës, Vlorë Shkodër dhe në gjithë vendin ku ka përmbytje...

Por ngre ekipe me patronazhistë, për të bërë verifikimet e dëmeve dhe vlerësimin e tyre, sipas qejfeve dhe orekseve të këtyre pushtetarëve të korruptuar, ku si kriter në vlerësim kanë se:

Kujt partie i përket, nuk duhet të jetë opozitar përfituesi.

Si dhe të pranoj, aq sa e vlerësojnë dhe të falenderoj me zemër qeverinë dhe K...M...për ndihmën a thua i dëmshpërblejnë nga xhepi i tyre!

Shumë qytetarë po ngrenë zërin, po denoncojnë dhe ankohen, për abuzimet me verifikimet, anashkalimet, selektimet dhe padrejtesitë, por gjithmonë duke ruajtur anonimatin, pasi i tremben hakmarrjes primitive të pushtetarëve të korruptuar, lokal dhe qendror!

Denonconi të dashur qytetare, çdo afer, çdo veprim dhe qëndrim korruptiv të hajdutëve në pushtet, Partia Demokratike, do të jetë në krah tuaj dhe bashkë me ju, për cdo hall dhe shqetësim që do të keni! /CNA