LEXO PA REKLAMA!

SHKARKO APP

SPAK nuk i ndahet komisioneres së Vettingut/ "I kërcet dhëmbët" Etleda Çiftjas

5 Tetor 2022, 13:34, Aktualitet CNA

SPAK nuk i ndahet komisioneres së Vettingut/ "I kërcet

GJKKO e shpalli të pafajshme anëtaren e KPT-së, Etleda Çiftja, ndërkohë që sot SPAK-u ka vendosur dënimin me 1 vit burg. 

Ky dënim është konvertuar në një shërbim prove. Ajo akuzohej për falsifikim dokumentacioni dhe deklarim të rremë të pasurisë.

SPAK ka kërkuar që në 12 shtator shpalljen fajtore të anëtares se Komisionit të Pavarur të Kualifikimit, pasi akuzohej për veprat penale të “falsifikimit” dhe “deklarimit të rremë të pasurisë”.

Sipas koordinatores për marrëdhënien me median në SPAK, Xhulieta Krasta, prokurorja Enkeleda Milonai që ka kërkuar dënimin e Çiftjes me një vit e gjashtë muaj për të dyja veprat penale dhe për shkak të gjykimit të shkurtuar, uljen e një të tretës së dënimit, me masë përfundimtare 1 vit burgim. Në vijim, Milonai ka kërkuar lehtësimin e situatës së Çiftjes, duke kërkuar pezullimin e dënimit dhe vendosjen e saj në shërbim prove për dy vjet.

SPAK njoftoi më 30 qershor përfundimin e hetimeve në ngarkim të Çiftjas dhe dërgimin e çështjes për gjykim. Sipas prokurorisë, ka rezultuar e provuar tej dyshimit të arsyeshëm se e pandehura Etleda Çiftja, në deklaratën vitit 2017 ka kryer deklarim të rremë të pasurisë, konkretisht në lidhje me burimin e blerjes së apartamentit të banimit, të dy parcelave tokë arë me sip 1450 m2 dhe me sip 3440 m2, mënyrën e fitimit të pronësisë së dy pasurive të fundit, si dhe në lidhje me qëllimin e marrjes së një kredie.

Të hënën kur pritej që gjykata të shprehej lidhur me kërkesën e prokurorisë për kalimin në gjykim të çështjes, është trajtuar një kërkesë e Çiftjes për gjykim të shkurtuar, e cila ka sjellë për rrjedhojë pranimin e kësaj kërkese dhe gjykimin e drejtëpërdrejtë, ku gjyqtari paraprak ka marrë atributin e atij të themelit.

Palët kanë paraqitur konkluzionet përfundimtare, ku SPAK kërkoi shpalljen fajtore të Çiftjes, ndërsa kjo e fundit kërkoi pafajësi.

Etleda Çiftja është anëtarja e tretë e institucioneve të vetingut që procedohet penalisht dhe merret e pandehur nga SPAK./CNA.al

 

Lajmet e fundit nga