web counter
LEXO PA REKLAMA!

SHKARKO APP

App Store
Google Play

Skandali me tenderin e qenve/ Jep llogari në SPAK zv.kryetari i bashkisë së Kukësit

4 Gusht 2023, 11:58, Aktualitet CNA

Skandali me tenderin e qenve/ Jep llogari në SPAK zv.kryetari i

Granit Gjana, zv.kryetari i bashkisë së Kukësit, është paraqitur këtë të premte në Prokurorinë e Posaçme.

Gjana është thirrur nga SPAK në lidhje me skandalin e tenderit të qenve.

Marrja e tij në pyetje nga SPAK vjen rreth dy muaj pas bërjes publike të videoskandalit të Safet Gjicit.

Kujtojmë se më 16 qershor, në rrjetet sociale u publikua një video, ku Safet Gjici, së bashku me shtetasen Alma K., kryenin akt seksual në zyrën e kryetarit të Bashkisë së Kukësit.

CNA zbuloi se Alma K. kishte një aktivitet për mbrojtjen e kafshëve dhe në zyrën e Safet Gjicit kishte shkuar të dorëzonte një projekt për të marrë fonde.

Ky hulumtim i CNA u konfirmua edhe nga videoja e plotë, e publikuar nga gazetari Artan Hoxha.

Në video shihej se si pas aktit seksual, Gjici bisedonte me Alma K. për tenderin e qenve të rrugës dhe udhëzonte nënkryetarin Granit Gjana të ndiqte hapat ligjorë për projektin.

Më pas, vajza shkonte në zyrën e Gjanës dhe merrte udhëzimet për dokumentat që duheshin, dorëzonte letrat dhe në fund largohej nga ndërtesa e Bashkisë së Kukësit me konfirmimin se do të merrte tenderin./ CNA.al





Lajmet e fundit nga